唔知道信咩牙醫好……

我牙痛都痛左成九個月，平時都冇痛，但是一咬硬少少既野就痛，而且食好凍既野都軟軟地。但係睇開個牙醫成日都話我冇蛀牙！只是有輕微牙周病，試過食左成個星期盤尼西林。食左藥那幾個星期好似好左少少，但係之後又痛番。

今早起床刷牙一用牙線整一個位就超痛，所以臨時去附近找左一間牙科診所睇，$50檢查$55照 x 光，一埋位佢就問我有咩事，我話比佢聽那一部份痛，佢就真係只望左兩眼就同我照 x 光，之後就等 x 光片，佢就冇再睇過我個口其他的牙齒！！！(檢查費不是應該檢查埋我其他牙的嗎？)

之後 x 光片一出，個牙醫就同我講︰蛀牙囉！要杜牙根，唔係就要成隻脫。杜牙根就幾錢幾錢，又要照多幾多張 x 光，又要整牙套.....計計埋埋就***蚊啦......(因為佢一開口就杜牙根幾千幾千蚊咁，嚇到我都唔清楚佢講左幾多錢...)

我想問下︰
1.我究竟係咩事，牙周病？蛀牙？蛀牙同牙周病？

2. 一個牙醫就堅持我冇蛙牙，一個牙醫就連我其他牙齒咩都冇睇過(亦沒有話我有牙周病)就話我蛀牙要杜牙根，我究竟可以相信咩野？可以相信邊個？？？牙醫真的沒有一個可靠的嗎？

3.如果真係蛀牙，已經痛了，係咪一定要杜牙根？唔可以補牙就算？

一般來說，睇牙醫當然係愈快愈好，但我要返工，現在又唔知道點算好，都唔知道邊個牙醫先係講真既，唔知道邊個可以相信！！！我d牙可以等幾耐？？拜託各位，我實在不知道如何做....T ^ T心情實在很無奈同埋擔心......