新手養魚,做了媽媽.

要買一個孵化箱,大部分魚店也有的賣,多數有上下兩層,上層是放母魚,下層放幼魚,整個孵化箱也是在魚缸裹,可以固定它的位置,非常方便,不用買多個新缸來養幼魚,因為這樣很傷幼魚。
1.要點照顧巳生的黑摩利
-剛生完bb的魚,身體虛弱,不要立即放回缸,用一個孵化箱給牠休養先。如果怕餵食問題,可以買兩個孵化箱,一個俾母魚,一個俾幼魚。照常餵食,2星期後放返入缸。
2.要點照顧剛出生的黑摩利bb
-一日餵兩餐,早晚餵食一次,要買bb魚用的糧,或自己整碎d魚糧,因為bb魚個口唔夠大去吃成魚的糧。養大了,便可放入缸,多數一個月魚便會長大。
3.仲有一條點看她幾時生

-多數唔駛1星期就會生。臨產的母魚也要用孵化箱裝住,等母魚生完bb後,不要立即放牠回缸,繼續用孵化箱裝住佢先,2星期才放返佢入缸。




2009-09-03 16:09:29 補充：
請勿條bb魚放在種萬年青的玻璃小缸中

1.要點照顧巳生的黑摩利
- 如果你之前有做準備功夫, 就好辨得多, bb未出世時, 你將快要生得的阿媽(幾條都無問題)再加1-2條雄性, 放入生仔缸(水族館有售), 放幾多條就視乎你個生仔缸有幾大, 當bb出世時, 自然會游到下層, (除非唔識死, 反應慢), 當你放一對父母, 生產完之後可以放回大缸, bb留番係生仔缸養又得, 你鍾意放到另一個缸養都得, 但注意水質, 千奇唔好用新水, (如自來水), 怕佢地適應唔到會死, 用番原缸水, 盡量唔好太過寶貝佢地, (時時換水, 時時餵食, 會好快死), 一般來講, bb的存活率好底, 好快死, 你越唔理佢, 佢條命越長.

2.要點照顧剛出生的黑摩利bb
唔使點照顧, 基本上你無野可以餵它, 太細了, 可以放些水草, 睇下佢地可以找到什麼可以啱食, 點解呢! 即使你好有愛心, 擦些魚麵包粉比佢地食, 佢地唔知飽餓, 可以自己食到飽死為止, 有時因為你比d野佢地食, 搞到個缸污濁, 滋生細菌, 佢地一樣無命, 所以只可以欣賞下就算, 有時生50條, 都無1條生, 不過你養養下就慣, 記得, 最興奮的一刻, 就係bb生出來的時候, 是開心的. (一條一條的走, 就唔好記la)

3.仲有一條點看她幾時生
個肚好大, 條尾擺得很密時, 最好用生仔缸, 肚大就放落去, 待產, 唔使成日睇往, bb又唔怕比其他大魚做魚糧.

記住: 生死無常, 何須執著!

我現在都有一條死剩種孔雀魚, 3換1的故事如下:
幾個月前, 買2條母魚1條公魚, 魚阿爸阿媽生咗佢同班魚兄弟姊妹, 無耐就仙遊, 班魚兄弟姊妹, 驚魚阿爸阿媽寂寞, 又跟住去了, 魚阿姨仲慘, 難產死了, 當下就記得, 早幾年前, 有同類案件發生, 處理手法是, 將條bb魚放在種萬年青的玻璃小缸中, 無須餵食, 結果都能長大成魚, 還是個俊男, 可惜, 以為認為佢都大個, 幫佢娶媳婦, 結果早死, 現在這一條就是用這個自然方法飼養, 唔使買魚糧, 靠它的本能生存, 現在很精靈, 缸有青苔可以吃, 它是吃素的, 有水蝸牛陪伴, ok la!