妈咪要准备的“走佬袋”一问！

其實間間醫院用既走佬袋都差唔多架姐

準備用品 - 大人﹕
洗面毛巾，刷牙用品，梳，產婦衛生巾２－３包，紙巾(盒裝比較方便)，乳墊(因為第一胎剛生完未必咁快上奶，１０片都夠)，外套，內衣，內褲/網褲２－３件，清洗傷口器皿(我用d細個既礦泉水樽，入定d凍滾水，一樽分兩至三次用，去完廁所之後用黎沖洗傷口，分便又簡單，唔使特登買個清洗器皿)，出院衫褲一套(有d人驚個頭入風會拎埋帽)
準備用品 - BB﹕
尿片１－２包，濕紙巾，BB出院衣服(和尚袍及包被)

另外如果入院時唔係著拖鞋，就要帶定一對去醫院，因為係醫院著拖鞋會方便D。
提埋你，除左隨身帶住身分證之外，記住放定D錢係銀包/走佬袋，萬一有咩事要入醫院果時，身邊又冇人係到，都可以即刻坐的士去醫院
另外因為好多用品 (尤其係BB出世後先用得著既用品) 係入院時根本都用唔著。亦有好多人唔想係入院時咁"論盡"，所以好多人就會分開兩袋
一袋就係入院時既用品，例如係日常用品/必需品 。另一袋就係BB出世後既用品，例如係洗傷口既用具、BB既用品等等，呢一袋野，就算BB出世之後未到探病時間，屋企人拎去醫院都可以叫姑娘拎比你，再唔係問姑娘、隔離病床都借得到。至於媽媽同BB既出院衣服，都可以係臨出院前叫屋企人幫你拎去醫院都未遲

健康院份牌簿 ,你 & 老公身份証

產婦衛生巾 & 網褲
(醫院係會要求你帶D 衛生巾係無黏貼架, 用繃帶綁, 不過我真係唔識好似生完時姑娘咁綁, 所以我覺得用網褲會方便D, 唔易走位.)

bb new born尿片一包

bb抹pat濕紙巾

廁紙

你自己日用清潔用品 (牙刷、牙膏、毛巾、杯、梳、毛巾等

拖鞋

產婦用坐墊 (順產生完個傷口真係好痛架)

廚房用抺手紙 (bb喂奶用, 唔使洗, 出院先用紗巾)



醫院有衫 & 袍仔比你 & 比BB穿, 你只係出院時叫人帶BB衫 & 你自己D衫



用品唔使攞太多, 順產第一胎48小時要出院啦, 如果真係唔夠先至叫你老公攞比你啦 你真係唔好攞太多野去呀. 因為待產間房, 又唔同生完果間房架
你一開夠度數就推你入產房, 你又痛點執野, 太多會執唔切, 要由嬸嬸幫你執
我果時見隔離床比嬸嬸鬧佢攞太多野呀