馬來西亞人的跳飛機是什麼意思?

新馬華人(包括馬來西亞人)在日常生活中也可能自創新詞語，儘管這些詞語並非當地規範。例如，用「跳飛機」形容沒有獲得准證而非法在外國工作的人（另外跳飛機也可以是一種兒童遊戲）。


圖片參考：http://l.yimg.com/f/i/tw/ugc/rte/smiley_1.gif

跳飛機

出自維基百科，自由嘅百科全書

跳去: 定向, 搵嘢


圖片參考：http://upload.wikimedia.org/wikipedia/commons/thumb/f/fc/TiuFeiKei%28Hopscotch%29_pattern.JPG/250px-TiuFeiKei%28Hopscotch%29_pattern.JPG


香港嘅跳飛機
跳飛機（Hopscotch）係一種細路遊戲，玩家喺地上畫個飛機形狀嘅圖，跟玩法喺上面跳。個圖形通常似雙翼式飛機，所以咁叫。圖形分開好多格（通常有九格），每一格有一個冧巴。
跳飛機最早喺羅馬帝國統治時期嘅英國出現，用嚟訓練羅馬兵，羅馬兵要著晒成套好重嘅盔甲嚟跳，練平衡、步法。之後啲羅馬兵嘅仔仔女女有樣學樣，呢個遊戲傳遍歐洲。
跳飛機喺1950年代至1980年代嘅香港相當流行，當時香港幾乎所有兒童遊樂場同小學操場都會有跳飛機嘅位。就算空地一塊，只要有一支粉筆或樹枝，細路響地上畫「跳飛機」嘅九個格，然後一齊玩。隨著香港經濟發展同娛樂方式嘅改變，跳飛機呢個遊戲經已息微喇。

玩法 [編輯]


圖片參考：http://upload.wikimedia.org/wikipedia/commons/thumb/e/e6/Magpie_hopscotch.jpg/180px-Magpie_hopscotch.jpg


英倫嘅跳飛機，連埋歌仔。
玩法每處地方都有啲分別，下面係香港嘅玩法：

遊戲通常由第一格開始。
玩家首先拋一條手鏈（或重嘅嘢）入第一格，然後扐起。
之後，拋手鏈入第二同三格，然後單腳跳入第一格，然後順序到手鏈之前嘅一格，執起手鏈。
第四、五格同第七、八格係一對並排嘅飛機翼。執起喺第六格或第九格嘅手鏈時，雙腳分開企響呢兩格之內。
到執第九格時，雙腳一齊踩第七第八格之後，要跳起轉身背著第九格，然後伸手摸手鏈，摸倒扐起，跳返起點。
如果玩家做錯上面嘅情序、掟唔中、拋出界、失去平衡，都算輸。論到下一位玩家，輸咗，再到下一位。返到第一位時，由上次失手嘅地方再開始。

變化
跳飛唔限於飛機形，重有好多唔同款。有格仔形，有蛇形，好多唔同款。