我想問有淘寶賣家嗎？

好高興你加我做為知識友.
我唸我可以答下你呢個問題,但因為我好幾年都無在淘寶賣野啦,但都可以經一d經驗.
首先你要睇你賣的是甚麼產品,係護膚品,減肥產品,水狀,樽狀的產品,ems及順豐都唔肯收架.而且出面的細間的速遞公司肯收你件貨都未必過到關.因為呢類野係佢地收你高價的運費,然後人手(即請水貨佬帶過關)如果被海關沒收了就沒啦,只肯賠運費的2.5-3倍比你.
順豐可以話係最安全,又最平的果間,呢間只做中港,但在大陸寄係最貴,但又係最快最安全架.如果你不是賣我上述講果幾類貨品最好就選擇順豐寄貨啦.就算件貨返到內地也都不會出現被速遞員偷件,換件,失件呢類事囉.不過我以前就係賣護膚減肥野多,順豐就百份百唔肯收你件架,寧願唔做你生意.同埋佢地係上飛機寄貨架,所以特別快.水狀呢類大陸肯收,但打爛了就唔肯賠原價囉....
我大概3年前仲有在淘寶賣野時,淘寶有好幾間推薦架.....因為我係賣護膚品,佢地收得好鬼貴.....以前係有30一斤起重,續重30元咁樣架,但30元一斤係講緊除水狀,減肥產品,護膚品外果種貨,我講果類貨要特別貴,係40定45元一斤.續就20幾-30咁樣.每間差不多價.....後來慢慢做到變成要一公斤起跳60元.要每公斤計,換言之你件貨得100克都要60元.所以之後我就係自己人手帶貨去大陸寄啦.
不過我之前差d被一個不良買家騙貨要我退款後,再加上淘寶跟本就完全不幫賣家的,所以慢慢對此失信心,再加無咩時間再去做啦,所以咪幾年無再碰過囉.
咩包裝你都無講你賣咩貨,賣貴野就小心呀.
我最尾果次在大陸寄ems收件的要拎身份證收件的都可以被個買家話無收到貨即刻搞退款,我唸應該唸住我係香港人,無咩時間去郵局查件,食住我會妥協.
而淘寶香港的客服之前咪一直在yahoo拍賣拉人去淘寶???之後我呢單野出事.我馬上密果幾個客服,你知得到咩答案嗎???佢同我講,咁人地無收到件貨點比錢你???問我有無寄到.我有寄貨單都會做假咩???
事實係,我件貨寄ems的,當時個買家同我話買前同比左錢後都一直在線,但一買左後就果幾日完全無上過線.通常2-4日內肯定會收到件,但個問題係佢果幾日無出現過,而且一上黎就會要退款,話無收到,同我講粗口等......問我有無寄貨...
之後我話件貨係邊度我都唔知,要比時間我查.我呃住佢話我大把時間係大陸,我會盡快去郵局查.(因為佢係比商場地址我,但郵局係要佢本人有身份證先拎到件貨或家人)所以佢呢個舉動好心急拎錢.....又話咩自己係當地有成10間分店,不會騙我呢樣果樣.講曬粗口.
我話查的期間,即佢話退錢果晚剛好係有台風.....外面好大雨,佢就話要去旅行,我話你叫你家人幫你上線,我有消息跟你地聯絡呀....佢就話你以為我家人會為了果6-700元咁得閒呀,話我阻住佢地咁樣.因為旺旺係有登入時間,我見到佢用隱身上線(被我見到個上線日期就係佢話去旅行的時間)連續幾日隱身.最尾點解葡頭就係我吹水話我家姐查到係邊個拿到件貨,.,,,要去郵局拎證明,佢隔無幾個鐘就話收到了,話搵得好辛苦.話件貨去左商場隔離果間酒店的大堂度.....我心唸你仲老作啊....你話係就係我無當面拆穿佢.
當時好在我識講大話,唔係果幾百蚊就凍過水,因為淘寶大陸只比5日時間你查邊個拎了貨,因佢不肯認自己拎左件貨.但我同家姐去果日剛好大陸郵局話星期6日果間不辦公查呢類野....所以等到星期一去,,,,,最尾查果件貨我地都比多10幾蚊.而且好在我講了果句說話那個買家驚死肯自願比返錢我,唔係淘寶就自動打款退回比佢啦.到時我真的貨又無,錢又無,連上大陸寄貨果成百蚊車費都無埋.
如果我無講果句的話,,,,真的係呢個結局.你知吾知,由我去話查果日起,郵局同我查左2個禮拜都無消息.成半個月先發個手機短訊比我家姐手機,話已經查出邊個收件,叫我家姐回播電話,好似話1.5一分鐘定點樣收費.....
我講呢件事係想話,你到呢刻先做賣家的話有d遲,除非你有很好的門路啦,唔係的話真的無`咩著數.
內地有很好的買家也都很差的....我遇到不止1-2單,而且我對於佢地客服的態度也都很不滿意....所以佢地更新了貨品內容將我的產品下架後我就再都無玩啦....

2009-09-05 05:02:28 補充：
哈哈,笑死我.....原來你係發果訊息黎問我寄貨果個人,,,我仲貼埋呢張野比你添.....我開頭以為你地係2個人,,,,一,一

在國內及香港兩地都有，視乎出售的物品所在香港還是國內，香港可使用順豐、申通、運通等快遞公司。國內大多使用與淘寶有連系的快遞公司，如申通、順豐、EMS等，視乎發往什麼地方而定。
包裝主要是卡通紙箱、如屬衣物等軟性物品，可直接使用速遞公司的速遞膠袋。