新手用手絲排問題??

1) 我想問手絲排,鉛,魚鉤,魚餌~仲雖要d咩??
最基本的釣法是ok的.
手絲排~ 我有小小提議, 如你尚未買[手絲排], 最好改買圓形 [線轆], 有大有細個, 價錢亦只十零元, 線轆中間有手揸位, 一邊直身, 一邊斜身, 拋絲時斜邊向外, 魚絲可出得比手排更順, 拋得更遠些. 且手絲排會令魚絲形成[一節節]彎曲, 而圓形線轆就沒此現象.
鉛~ 釣手絲用[中通鉛]較適合, 魚絲由鉛中間小孔穿過, 而不要把鉛綁死, 這樣魚絲就可以在水中自然轉動.
2) 魚鉤同鉛概距離係幾多??
如只用你以上幾種釣具, 鉛是直到魚鈎, 這是一種簡單釣法, 是沒問題的.
手絲另一種常見釣法是: 主線 --> 中通鉛 --> 擋珠(可要可不要) --> 擰圈 --> 子線 --> 魚鈎.
擰圈是小金屬件, 上下兩頭各有小鐡環, 可轉動, 一頭綁主線, 一頭綁子線. 可令子線及魚鈎在水中轉動較自然.
鉛距離魚鈎幾多, 即是等於子線幾長, 腳線可定在1-2呎左右. 這段子線(即魚餌)可在水中自由漂動, 易吸引魚注目.
釣組圖
基本沉底仕掛 ~

圖片參考：http://fishing.dinball.com/news/images/095j.gif

3) 扔出去係扔幾長左右??
拋出幾長絲, 就要看你拋得幾遠同海有幾深. 一般釣手絲都是鉛沉到海底, 當鉛到底時, 魚絲就會自然停止不再出絲, 你即可輕輕收緊些魚絲, 有魚食餌時你手才有感覺.
4) 收返再扔多次??
唔明, 是指拋出後再收返絲? 一般在拋出後, 如感覺未有魚食餌, 每隔十零分鐘收回來看看是否還有魚餌在(有時餌會甩咗或給魚或蟹食咗而不知), 如沒魚食餌, 收絲後再拋絲時, 最好是拋向不同位置.
5) 係咪將d線整晒出黎先扔??
是不須要的, 不管手絲排或線轆, 你拋絲時只要將出口位向外, 用力將鉛拋出, 魚絲就會跟出去, 當然手要拿穩, 而手指不可碰到魚絲.
收回魚絲時, 你可即刻將絲撓回手排或線轆, 亦可將魚絲順序放在地上, 再拋絲時就方便些(要小心手排跟住飛走), 但這樣如風大, 小心魚絲[打哂大交], 要解就麻煩.
6) 要唔要帶把刀仔剪魚絲??
哈! 刀仔是[剪]不了魚絲喎! 你帶把細細把[金交剪]方便啲.

希望幫到你.