我同佢係好到連其他同事都以為我0地拍拖。但其實我真係鍾意佢，唔係因為佢對我好先鍾意佢，而係同佢一齊好開心、好舒服，我知道佢都係好開心0家！
咁我今年年頭就同佢講咗鍾意佢，我見佢係笑得好開心0家！但佢無答我任何0野！返到屋企收到佢0既 SMS，佢話唔係鍾唔鍾意0既問題，而係佢仲未放低以前識0既女仔，加上家庭同事業都未搞掂，唔想諗感情0既0野住~
事後佢無避開我，繼續好似以前咁關心同照顧我。
最近，約埋佢同D朋友出0黎踩單車 & BBQ，去踩單車途中有隻狼狗走0黎我度，佢即刻企0係我左邊幫我擋住隻狼狗，好似驚隻狗會襲擊我咁。踩單車果時個個朋友都踩得好快，佢都係踩得好快，但佢會等埋我，好似驚我會走失咁，唔會走咗去。到踩踩0下我個朋友整親，所以停咗落0黎，佢走番轉頭搵番我。
到 BBQ 果時叫佢幫我燒0野食，佢個樣笑得好開心，我話佢燒得好食，佢又會繼續燒。
連我朋友都話佢對我好好，話佢0既笑容係出自真心。我朋友仲見到我一離開個位，佢就係咁搵我 (用眼去搵)；走果時佢果邊架車到先，架車開都仲係咁望住我，直到望唔到先唔望。
表白後，我本身都放低咗0家喇！但踩單車 & BBQ事件令我……對住佢真係幾無奈，好似係又好似唔係咁！
佢係咪鍾意我??
佢係咩心態??
請各位幫幫忙呀！小女子好心煩呀！
謝謝！
更新1:
Re goodman9963: 佢係長子，單親家庭長大，係屋企0既主要經濟支柱。 我今年 27 歲喇！其實，公司仲有其他男同事追緊我，但都俾我拒絕咗。因為我等緊佢。
更新2:
Re goodman9963： 佢唔知有其他男同事追我0家，因為08 年佢被調到第二層，但都 keep 住聯絡~ 以我所知/佢所言，佢應該未拍過拖~ 我會俾四年時間等佢~ 之前都有幾個女仔鍾意佢，佢都拒絕咗，亦都無再同佢0地聯絡；而佢0係 SMS 所講0既0野佢都無同果幾個女仔提過，只得我一個知。我初時都唔係好信，但諗番佢其實無必要同我講，佢大可當無事發生，所以我覺得佢對我係唔同D~ Re jackwjack： 我唔敢問，因為驚俾到佢壓力，到時連僅有0既機會都無埋~
