何謂三相100amp

簡單的講，供電系統有分單相和三相兩種。
平時我地見慣既三腳插座，一條火線（相線）、一條中線和一條水線（地線）就係一組單相供電。一般家庭電器、辦公室電器都係用單相供電。
而三相供電簡單的講，就係三組單相加埋一齊用，有些設備需要用三相供電，好似三相摩打、三相熱水爐等等。
其實發電廠既發電機，產生既係三相電，即同一時間係會產生三組單相電的，它們既電壓值係一樣，但係有相位差別的。會用吾同顏色電線區別，用紅、黃、藍三色（新規例用啡、灰、黑）。 所以如果單位內有三相供電，你就會見到有三種顏色既火線。
而一般電器使用其中一相就可以。
三相100amp,就係話要有三相供電，而電流量要有100A（安培）。

何謂供電三相100amp?

即係有三條相線（三條單相）提供同樣電壓, 同樣頻率, 每相都分別相差120度既電流, 每一條相電線都可以負載100安培電流, 如果以普通計算來計相對相既電壓就係相線對中線既電壓乘3既平方根值√3(1.732), 即係話香港市電220V x 1.732 = 大約 380V, 如果以功率因數0.85cosφ來計就大概有 56KW或75馬力