重鋪地板方法

本人在8月9日巳經解答過有關如何黐膠地板既問題,不妨瀏覽一下.
按你現在既情況,如果你原來舊有既地板黐得好,冇蹺起.只是舊咗D,系唔使起既,直接刮膠在上面就得喇,一來可以省工省時,二來可以比較平.道理就系加厚咗膠板既厚度.系絕對可以既.
第2點問題:
接駁位不平,或且其他既凹位,都可以用:
菜膠石膏水坭用光匙批平,
方法系:
1.先清潔干淨要補既地方.要冇灰塵.
2.買一個膠桶及灰匙,將菜膠石膏水坭放入桶内,搓勻,用光匙批落去,批平批滑就得喇.一次批唔平就再批第二次.但要等30分鐘.
開灰比例:
1斤菜膠,1.5斤石膏,一把水坭(小小就得喇).呢D系大約數,開既時侯要睇情形,石膏要續D加,開到見唔到菜膠為止.但動作要快,因爲15分鐘石膏就會硬,
批好後要干透才可鋪膠地板.
如你打算起舊有既膠地板都得,起咗後有凹位亦系用這種方法來補
（注：菜膠一次先開半斤，或更小，先嘗試一下佢既硬化時間）