傷過我的男友..及喜歡我的男人

覺得很煩惱..沒有辦法, 所以打出來,希望大家給予意見, 可以嗎?
我有一個已經一年的男朋友叫靈, 哩個人真係得來不易
佢係我上年5月認識既, 可以叫做一見鐘情... 係佢提出一齊
我地係7月就一齊左, 之後.. 一個月後發現原來佢有女朋友...
真係拎左個心出黎愛佢.. 所以真係覺得好難受
佢當時的確係不負責任既壞男人, 又要比機會我, 但係呃住我
所以有時星期日消失左 我真係會好唔開心...
最後佢竟然用"佢管得我好緊 可唔可以做我情婦"之類既野同我講分手, 我覺得佢真係好侮辱我... 不過最cheap係我 因為我愛佢
其實我諗, 分手咪分手囉, 洗唔洗咁, 雖然好hurt 我都講過幾次
雖然自己放唔低 但係佢又唔肯 都唔知叫開心定唔開心..

係年尾佢消失左兩次 最後我發現其中一次佢係同左佢女朋友去左旅行 完全冇話我知 只係一番到黎就即刻搵我 但係咩都無交代
我都慣左 因為佢平時都唔肯交代自己去左邊
雖然真係好愛佢 但係我同佢講左第7次分手
係果陣佢同我講 佢同左佢女友分左手
我都唔知點解 果陣好開心 但係有種好對唔住人地既感覺
係最後佢先話我知 佢果陣無左份工 先知道邊個對佢最好
果個就係我

之後佢一直收埋自己係屋企 唔理我... 掛住打機 失蹤
其實我會懷疑佢係咪同第2個女仔一齊
但係我自己都係收收埋埋 唔同佢講...
直到最後, 朋友既勸告 我頂唔順 打電話比佢同佢講分手
我真係好辛苦... 我係4月依然愛著佢
佢唔應承我, 之後慢慢有改變... 好似 變好左
佢為著以前既事向我道歉 但係只係講左一句抹左佢重新黎過
我以前受既苦... 佢試過咩? 雖然我係第三者
但係我從來冇搶過冇要求過 只係一直默默愛著..
就算放唔低都講分手... 佢唔比都只係藉口其實係我唔得

去到六月佢開始病左.. 應該係無番工食無定時 又抑鬱
搞到自己病左... 身體係咁消瘦 成日人都好脆弱咁
見到我都只可以嘆氣... 病左 無能力番工=無錢=繼續抑鬱=加重病情
一直都好擔心 我果陣有番part time 但係佢唔肯我出街比錢
我開始feel到, 我已經唔再係好似以前咁愛佢...
佢以前根本就唔係愛我, 佢只係對我玩玩下, 到佢知我對佢好
佢先至揀我, 佢只係想享受被愛既感覺 哩d都ok 根本只係係3月 佢先開始愛上我 留意我 佢都認佢自己係唔想人地得到我 先唔肯我走
可能係因為以前hurt得太深... 有好多好多事發生過 証明佢唔愛我
我覺得以前好傻仔 果陣我都已經預左今日會有咁既感覺
而家係佢愛上我 以前我成日諗 我要令你愛上我 然後狠狠咁甩左你
我覺得.. 我而家好似做到左... 但係我對佢仲有感情 唔忍心咁做

六月中, 係一個stranger既網站 識左一個男仔 發覺同對方真係好有緣, 最後交換左msn 起初我都唔為意
最後唔知係咪又係因為緣份呢 我地又約左出街
開始...密左出, 我覺得佢真係對我好好, 好過我男朋友好多..
佢知道我鐘意乜野 就係咁用果d野黎哄我.. 令我覺得好感動
佢知道我有男朋友 佢自己都好唔開心 所以想離開...
但係唔知點解又番左黎 就係咁, 我同佢會晚晚msn好耐
唔知點解話題可以多到傾10個鐘都傾唔完[我地打字都好快]
我知佢鐘意我 我對佢都有好感 我有d鐘意佢..
係愛得男朋友唔夠深 所以先有空隙? 我相信係
佢又唔係真係完全佔據晒我個心

我病左 佢擔心到飛起 我男朋友 佢自己更病 唔得閒理我..
放榜果日.. 佢陪住我 我真係覺得好開心
就算唔高分 我都因為有佢係度而開心
我對左佢發脾氣... 佢無嬲... 我好內疚 雖然道左歉
但係最後...... 佢真係離開左 好徹底咁.....
我亦因為工作關係 少左搵佢
就係咁 就完左.......... 雖然我可以搵佢 但係佢一定對我好冷淡

同埋就算而家同男朋友相處
佢好虛弱好病 我只係會嘆氣 點樣先會好番...
佢連去睇醫生都唔肯 話貴... 幫佢比 又唔制
有時竟然傻左咁諗 我搵個男朋友 都係想有人錫我陪我
點解我果個 病左唔怪佢 (其實都係佢自己拎黎)
雖然把口錫我 但係又唔可以成日去街
成日因為唔舒服而陪唔到我 電話都傾唔到兩個
點解佢會病呢.. 之前好好地叫佢搵工 佢又掛住打機
果陣搵到工 咪唔會有今日 而家病左 唔睇醫生點好..
又瘦到... 根本就唔知可以點幫佢 同埋我真係好孤單
有時會諗哩d係咪你以前咁對我既報應
我就算係好緊張好擔心 已經開始變得扮出黎咁..
日日都病 唔通我日日都緊張.. 我可以做d乜?
而且 比著係一年前既我 我一定會超超超緊張
咁証明左 我真係唔係咁愛佢lu