男朋友有精神病強迫症，我應該點樣？

內容有些長，請大家比意見我，謝謝。
我係一個女仔，識了一個幾好既男仔，佢以前係我返工果度既同事，佢有時會送小禮物比我，有時講笑氹我開心，我覺得佢幾好，有上進心又勤力，對人有禮貌，佢唔係成日搵我，可能因為怕羞同埋返緊工，有其他野忙。一段時間後，佢後來約我出街食飯行街之類，慢慢我地就一齊拍拖了半年多，佢係有少少內向，但時時都會關心我，我覺得佢雖然對住我唔係好識講 d咩，有時唔知佢諗咩，我地都 keep到幾好既關係。
有一次出街，佢問我，佢話佢有強迫症，話如果我覺得唔想再同佢一齊，可以分手，唔會累我咁話。我問佢有幾嚴重，佢話有時會影響到日常生活，但唔係嚴重果種。我問佢點解現在先講，佢話唔知周圍既人點睇，怕有誤會，因為都一齊一段時間，唔想再瞞我。
咁我應該點做呢？
我知道佢瞞住我係對我唔坦白，但佢有苦衷，我覺得要原諒佢。男友雖然唔想比其他人知，但我問過身邊既人既看法，有 d家人朋友叫我同佢分手，話將來係唔係要同一個痴線既人結婚，可以另外搵過個男仔，有 d叫我陪佢一齊醫，一齊面對陪佢行呢條路，我應該點做呢？我是鍾意他的，我傾向同佢繼續一齊，但係我都想請教大家意見。