長洲有D咩玩 ?

你可以看看這個網址的︰
http://hk.knowledge.yahoo.com/question/article?qid=6909082500663
或者再看看別人對於長洲的介紹︰
http://www.pumb.org/archiver/?tid-42268.html
之後可以到「長洲鄉事委員會」的網址看也行︰
http://www.cheungchaurc.com/chi/

1.小長城~落船後向沙灘方向行(即向照記小食方向(下面point2及3有說明))，到沙灘後向右邊直行，過左華威酒店，進入黑排路，會見到另一個沙灘(觀音灣)，行至一個救生員站，隔離條小路直上，會見到一間水月宮(觀音廟)，向上行會見到左邊有條小路入就係小長城la!! (起點)，一路行到尾會有一個亭，隔離會有路向下行，可以望到東灣全景~~ 影相入到~~

2.關公忠義亭~落船後向右邊望(30度)，你會見到條路(現在正有修路工程)，直行見到一間金冠酒樓轉右直行，至見到一間玩具店，再行前小小有條路轉左直上，會見到中電及馬會，沿著斜路直上便會見到關公忠義亭，近排有櫻花睇架~~ 可以去影下相架!! d花好靚靚~~ (可能比之前少左花架la!!因為最多花o既時候係3月呀!!)

如果唔想行~~ 可以租架單車遊長洲都ok!! 但星期六下午12.00開始及星期日&公眾假期全日，碼頭的一段路都不能踩單車~~ 會有警察叔叔......先口頭警告or即時抄牌架!!

1. 大排檔~ 陳通記/通記~ 落船後右手邊直行，會見到一間星光飯店 (望右邊)，右轉入隔離條路，直入到盡頭，便會見到陳通記/通記，當中必食係→ 沙爹肥牛瀨，如果當日有鮮魷的話，都係必食，仲知一定要沙爹。(可以叫埋隔離間偉記o既食物~~推介: 炸魚皮，埋單時係一次計數架~~)

2. 日本婆~ 故鄉茶寮~ 落船後向右邊望 (30度)， 你會見到條路(現在正有修路工程)，直行(東灣路)至看到一間照記小食(左手邊)，隔離條路(教堂路)轉左，就會見到架la!! 個到有出名的紅豆餅、手卷壽司，正~~

3. 照記小食o既糕點、芒果糯米糍......小食~~ 都好好食架!!

4. 允升甜品~ 落船後轉左直行，見到水務署 (右手邊)，右轉入隔離條路，直行第一個路口轉左直行，直至街尾(新興街)，允升就會係左手邊出現，入面有好多糖水都好正~~ d甜品都一樣咁正~~

5. 晚上碼頭的宵夜檔~~ 全部都咁正~~ (如果會過夜，必到必食)

基本上~ 要行o既地方沿路都會有路牌指示架~~ 如果唔識都可以問問長洲d街坊，佢地會幫到你架!!


行程你可以參考下呢個網站o既~~ 長洲鄉事委員會 http://www.cheungchaurc.com/chi/ →入面有個旅遊路線圖, 可以作一個參考, 入面都有介紹d景點架!!