杜完牙根之後有乜野要注意??

杜牙根通常都分幾次進行,

你咁嘅情況咪打電話返去,

問下姑娘有冇需要,

定係等下次先一齊補囉!

通常佢都會請示醫生先答覆你.

咁我大概講下杜牙根既過程
1）照X光，通常牙醫會話杜牙根，冇咁多時間，約下一個時間俾你
2）鑽開牙，醫生會打針麻醉，之後用一支支嘢拮入牙髓消毒，再填上既物質既階段。為時約1小時。呢個時候醫生可能會視乎情況：
2A）係同一天內做完杜牙根（即去3）
2B）唔會同一天內完成，佢可能會再等下一個排期，因為醫生想睇下你會唔會有其他發炎症狀。佢會填好臨時補牙物

3）醫生會將已經填好既物質鑽開，之後再清理，之後醫生又用另外既一支支嘢塞入去，然後燒短，再封口，呢個步驟叫 obturation，中文唔知叫乜。不用做牙套既，會完成手術。

4）做牙套既，會度牙套，磨細，俾臨時牙套

5）醫生套上真牙套

咁你而家既情況係2B，即係最重要哥個情況，臨時補牙物料冇咗係好嚴重架。因為細菌隨時入咗去，咁入咗去，醫生若消毒得唔好，咁杜牙根手術可能會係若干年後失敗。一定要係下次排期要同醫生講清楚你隻牙。另一方面，最好係見牙醫前刷牙，用潄口水，同用牙線，減少做手術時細菌含量。

A）杜牙根失敗會點？
我已經係呢度答過一次
http://hk.knowledge.yahoo.com/question/question?qid=7009082701164

B）杜牙根後注意？
其實杜牙根係2B步驟根本唔可以咬，食嘢，一定要用另一邊食嘢。而且杜牙根既牙仍然要刷，要用牙線。

****有冇留意專業既醫生每次補牙係最多3隻，唔會補多？內地既醫生就補牙哥D嘢一次搞掂？因為專業既牙醫會擔心病人咬嘢唔舒服、習唔習慣，同手術後所産生既炎症、後遺症。內地既醫生係一味為咗賺錢，驚你下次唔黎咁。所以好既醫生會一隻隻咁杜牙根，唔會幾隻一齊杜，或左邊補牙，右邊又杜牙根。

C）而家點算？
主要係減少口腔細菌，等下一個排期
I）一日三餐，唔好食零食，戒甜嘢飲（戒唔到要用飲管飲，減少同牙齒既接觸），食嘢既時候越長，口腔細菌較多。食完嘢食香口膠（但係唔好即刻刷牙）
II）唔好因為補牙物質冇咗唔刷，唔刷附上會既細菌更多，手術失敗率會高，繼續刷牙同用牙線同用潄口水。