笛子問題~點解我吹極都吹唔到？？

ｈｉ，先答左你最底果個問題先
－－－－－－－－－－－－－－－－－－－－－－－－－－－－
Ｑ。問多一問~~用濕布清潔枝笛面會清潔到裡面咩？
咁點解整係清潔枝笛面??~~~
Ａ。其實用濕布係可以清潔到入面，不過要好細塊，同好薄先得，我係你另一個回答入面都講過，牧童笛有支清潔用既棒棒，果支棒棒有一個毛巾既攝位（毛巾附送）你用果種都可以清潔到架喇，不過最緊要就係等Ｄ口水自然風乾左佢，咁就可以唔駛咁辛苦係到清潔～同埋唔係只係清潔笛面架炸，有需要的話係入面都要清潔，只不過笛面接觸空氣既塵比較多，所以會笛面吹完之後，其實都應該用布抹一抹佢，比較穩陣Ｄ既。
－－－－－－－－－－－－－－－－－－－－－－－－－－－－
Ｑ。聽到GE係風聲加雜笛聲~~有時整係得風聲
　　有風聲正唔正常？

Ａ。形成有風聲有以下幾個原因
　１。風門對唔準
　２。嘴收得唔夠緊，所以氣流散晒，唔夠集中
　３。笛膜鬆左
　４。唔係用笛膜，用膠紙（用膠紙一定聽到比較大聲既風聲）
初學最主要都係呢３個原因既
第一既解決既方法，就係多Ｄ練習，可以對住鏡練習，同埋要好好記實吹孔既位～
第二既解決方法係嘴兩邊收緊，令氣流集中～
第三就係換笛膜或者調返好個笛膜就可以架啦～

ＰＳ其實呢，任何一個人吹笛都會有風聲，只不過係因為功力問題，風聲減到好低姐，你練習多Ｄ，風聲自然會愈來愈細，就算去到老師級、演奏家級數，吹笛都會有少少風聲，唔多唔少一定有Ｄ，只係控制得好既時候，風聲量減到好低，其他人唔覺姐，甚至可能係因為笛膜既關係，蓋左把聲，所以有風聲唔需要太過緊張，都係果句，多練習，風聲慢慢就會細落黎…但你話去到完全無風聲，係無可能既。總會有少少，不過好細聲咁解姐。至於你話點知道自己幾時吹到好似無風聲呢，最基本就係風門對準、氣流集中，就已經會令到風聲減低。
－－－－－－－－－－－－－－－－－－－－－－－－－－－－
Ｑ。D人話，嘴唇應該貼著吹孔邊沿，BUT我唔得,,,
　　咁~~~~~~~~~究竟係邊個位呢？？
　　D人話，用舌頭吹...舌頭吹到咩？
　　舌頭要點用呢？？
Ａ。┌－－－－－－┐
　　｜　　　Ｏ　　｜應貼住Ｏ下方的彎位
　　└－－－－－－┘
　　中間既Ｏ字就係吹孔，你既嘴唇應該係貼住Ｏ字既彎位，岩岩好既，千奇唔好嘴唇蓋過吹孔，亦都唔好唔貼吹孔彎位，呢樣野，你可以對住鏡黎練習，至於用舌頭吹，就當然唔係喇，可能因為其他人用詞上有少少問題，當你呼氣既時候，舌頭既配合，係發出吐既動作，好似吐口水既動作咁（千奇唔好真係吐口水咁做呀下＝＝我打個比方而已），至於初學應該係學單吐先，然後到雙吐之後先到三吐咁樣，暫時先搞到單吐先，呢樣你老師會教你既。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
希望幫到你
－－－－－－－－－－－－－－－－－－－－－－－－－－－－

如果有咩唔明，你再俾個信息我，我會再答你^^

有風聲係正常gag!
應該貼著吹孔邊沿,微笑對著第一個洞吹起
用舌頭吹可以吹到吐音
舌頭要好似吐食物出