點解有D曾經效力過曼聯的球員都會揀轉投皇馬?

近年曼聯先轉投皇馬的，是碧咸
當時碧咸因更衣室飛靴事件，與費格遜交惡，
萌生離隊的想法；於是提倡"每年一星"政策的皇馬乘虛而入，
以高價買走碧咸，三家都有著數
後來雲尼斯達萊因傷表現不佳，以致曼聯成績下滑；
又同老費交惡而淪為後備，於是曼聯季後又將雲佬高價賣畀皇馬
其後，後衛軒斯想轉投利物浦，
費格遜不甘將球員賣畀死敵利物浦
（曼徹斯特和利物浦相距不遠）；
於是做生不如做熟，又順便賣畀皇馬
第４個係Ｃ朗；
其實當２００８年曼聯奪得失落左近１０年的歐聯冠軍後，
Ｃ朗已經想離隊，轉投心頭愛皇馬；
因為佢已經攞哂可以在英格蘭攞到的榮耀；
但因價錢談唔掂，終於畀老費氹到佢踢多一年，
搏攞多年歐聯冠軍；
但結果決賽技術性不敵巴塞隆拿，又想走人喇，
加上皇馬每年一星會長又上台，終於以破世界紀錄轉會皇馬
史高斯和傑斯年紀咁大，年輕時無出國，宜家已經無可能啦，
宜家在曼聯都唔係常任正選，更何況仲想去皇馬？
老費仲肯定唔會放里奧費迪南，曼聯已經無乜勁後衛，
絕對唔好以放人

最先轉投皇馬既係碧咸,當時因為費sir已經好唔滿意佢成日去拍廣告,唔專心踢波,其後一場對阿仙奴既比賽,入到更衣室,費sir鬧碧咸成日比人食住,碧咸就同費sir講番句你咪又係比雲加食住,費sir就理都唔理飛隻靴去碧咸塊面,其後雙方想打架,但隊友阻止,跟住碧咸萌生離隊既想法,咁岩提倡"每年一星"政策佩雷斯帶領既皇馬乘虛而入,費sir又見價錢岩,就以高價賣走碧咸。
之後果個雲尼斯達萊,佢係因為因傷表現不佳,比費sir放佢打後備,比沙夏打正選,雲尼斯達萊就同費sir嘈,費sir果陣本身好聲好氣同佢講「你有番狀態,就會比番你打正選」,但好可惜雲尼斯達萊係訓練場串C朗拿度,話佢「超,你踢波成日死扭又唔傳,唔係費sir既你會有得踢」咁岩費sir聽到曬,sell左比皇馬喇~!!!
第3個係軒斯,本來費sir就冇同軒斯嘈過既,只係軒斯成日煩費sir,叫費sir比佢轉會,轉去利物浦,但費sir心諗利物浦係同聯賽既,結果又sell比皇馬。
第4個係C朗拿度,本來費sir當佢係親生仔咁,冇鬧過佢,但係C朗拿度覺得佢已經拎曬英超咁多過獎,咁岩08年又拎埋歐聯,想轉投心頭愛皇馬(細個果時鍾意巴塞),但皇馬曼聯因價錢傾唔掂，結果比費sir氹到佢留多一年係曼聯,係09年2月其實C朗拿度已經同皇馬草簽合約,所以係歐聯比巴塞擊敗之後,拿拿聲同費sir傾數,費sir同佢傾左好耐,結果以破世界紀錄轉會費轉投皇馬。
史高斯同埋傑斯年紀咁大,加上對曼聯忠心,而里奧費迪南係後防中心,放左佢會搵唔到替補人選,所以唔會賣

因為C朗, 雲尼斯達萊, 碧咸等球員有一定的fans，佢地都可以幫皇馬增加各方面的收入，例如球衣、門票等。而且雲尼斯達萊同碧咸都同費Sir不和，但C朗加盟皇馬係因為C朗佢既夢想球會係皇馬。
史高斯, 傑斯, 里奧費廸南冇也fans，同費Sir關係好，而且佢地都好忠心

　主要原因係佢ｏ地成日同費ｓｉｒ鬥氣。 Ｃ朗拿度加盟皇馬係因為佢既夢想球會係皇馬；
雲尼斯達萊係俾費ｓｉｒ趕走既；碧咸走去皇馬係因為‵更衣室事件。史高斯 傑斯 里奧費迪南唔
加盟係因為佢地忠心。