讀會計-香港大學附屬學院

你媽咪叫你讀, 但其實你自己想唔想讀, 甚至將來做從事會計工作? 中學會計比較偏重計數, 大專會計就會偏重讀會計守則, 你要明白守則先知要點做. 因為大專會計不但要讀守則, 亦要讀關於商業的法律, 所以要有一定英文能力.
做野同讀書所學會有分別. 例如你做野要接受既a/c會比你讀書所學會多好多, 而且會更加複雜. 讀書做題目只係比齊要用資料你, 好少兜兜轉轉, 唔會教你現實情況點搵資料, 現實情況有時會教你從邊個方向找, 引導方向後就要自己搵.
做會計行業最緊要唔怕辛苦、煩、悶. 做會計要對住好多唔同類型文件, 好多時會做重複又重複的工作. 例如入機、寫傳票、做testing、狂用計數機計數...有d客文件寫得好含糊, 你又要花時間諗要點做. 而且會計呢行唔係個個際遇好, 人工高, 甚至人工及工作時間不成正比. 而家已經有人睇淡香港會計業前景, 所以唔好再抱住人叫我讀我就讀心態, 讀之前一定要想清楚.
而加中五畢業雖然可以報讀香港大學附屬學院, 但係只可以報讀高級文憑或副學士先修, 中五程度仲未可以讀degree. 高級文憑及副學士入學要求要中五會考最少三科合格加中英文最少第2級. 不過, 你要預兩個方法升商科degree係極難的事.
334後仲有無高級文憑及副學士就唔清楚, 但最重要係盡力考好香港中學文憑. 會計行業學歷要求已經愈來愈高. 就算細會計師樓, 請人已經要求大學會計畢業. 而且想出路闊d, 就一定要考牌.

2009-08-31 16:06:40 補充：
大陸會計好唔等於香港會計都好, 內地同香港係互相競爭. 而家唔少公司已經將會計工作搬上內地, 甚至搵埋文員做埋好簡單會計工作. 香港上市公司核數市場仲有得做, 某程度要多謝有關法例. 因為現時規定如果在香港上市, 公司財務報告要比香港會計師審核. 而加有傳HKEx會接受內地審計報告(內地會計準則逐步於國際準則接軌). 如果真係成事, 你覺得香港會計師仲有無得做?

2009-08-31 16:09:48 補充：
HD同Pre-asso/asso位基本上係先到先得, 而且兩者唔係包上degree. 因為商科學位多人爭, 就算你讀書成績考到中上都未必有大學收.