hkcee分數對於升讀大學有甚麼影響

每一間大學每一個學系都會有自己一套既定既收生準則, 不能一概而論, 大致上每間大學會睇以下幾樣野:


1) 學業成績 (會考及高考成績)


2) 課外活動的參與 (音樂才華? 體育才華? 藝術才華?)


3) 社會貢獻 (有冇做義工?)


4) 領導才能 (head p? 社長? 學生會會長? 其他學會會長)


5) 所得獎項


6) 面試技巧 (如需要面試的話)


7) 校長推薦計劃的參與?


當然聯招網入面既 data 都可以推算出考生既收生要求啦


以香港中文大學為例, 一般既要求為會考及高考佔分為一半一半, 工商管理學系就係其中一個, 又例如港大同科大既收生準則評分為高考佔70%會考佔30%, 咁你高考考得咁好, 入到既機會會大好多


我記得當年我入中大既時候, 有一個朋友會考 3a, 但係佢入唔到醫學院, 係因為佢面試既時候衰左, 所以就入左第二志願會計系啦


另外, 你考得好, 有得面試既機會都有大增


所以你要比心機讀好高考, 咁你考到入心儀既大學同學系既機會就會大增


希望幫到你啦

不同課程會有不同計分方法. 如果會考佔分比重愈大, 就代表會考愈重要. 如果你的會考分數已經不好, 這些課程建議你少選為妙(甚至不選, 放一些有把握入的課程), 除非你極有把握你的高考成績比你對手好好多, 因為會考差幾分可以分數上造成好大差距.
還有, 有些課程會在高考放榜前邀請學生參加面試. 如果報名人數太多, 大學亦有可能以會考成績作為揀人面試的方法之一.
當然會考愈高分就代表愈大機會入大學, 但並非代表必然. 高考成績仍然是大學收生的重要考慮因素.