笛子問題~~點樣保護枝笛....

你好＊希望會幫到你啦^_^
＝＝＝＝＝＝＝＝＝＝＝＝＝＝＝＝＝＝＝＝＝＝
先講點樣保護支笛先啦
Ｑ。點樣保護支笛
Ａ。其實作為一個樂器既主人呢，我地需要係唔同層面去作出調整黎配合我地既樂器，首先，如果你想保護你支笛，最根本既一樣野就係，笛不離身，我既意思係指，你出街既時候，自己既樂器一定要跟身，如果係古箏果Ｄ當然無得講，但係笛子係可以跟身啦，然而，我地係唔同既情況下，都唔應該隨便借自己既樂器比其他人，包括自己既朋友，因為意外即係意料之外，萬一朋友唔小心整爛，你怨既都係怨自己，咁所以呢樣野自己要留意返，另外就係要做齊所有保養笛子既工作，咁你既笛子就肯定健健康康成長。
＊　＊　＊　＊　＊　＊　＊　＊　＊　＊　＊　＊　＊　＊　＊　
Ｑ。支笛點樣保養？？
Ａ。笛子既保養其實都算幾多下架，詳情如下：
第一。唔可以放係Ｄ過熱、過冷、過潮濕、過乾燥既地方
第二。活節定期潤滑（大約２～３個月一次就夠，用花士寧都得）
第三。唔用笛既時候放係安全既地方（笛袋／笛箱）
　　　ＰＳ至於笛袋同笛箱呢，盡量都要放係Ｄ唔會掉落地既地方，或者係一Ｄ多人踢到／整到既地方
第四。笛子唔可以摔、碰、趺
第五。忌用水沖笛（亦忌用濃度高酒精清潔）
第六。應該用笛箱或笛袋存放（香港應該比較多賣笛袋，因為方便帶出街，所以好少人會買到笛箱）
第七。小心口水積（詳細係下面我會再講）

講多少少，天氣轉變既影響，係會影響到支笛既笛身，過潮濕會發霉、過熱然後再過冷會令竹身裂、過乾燥亦都會令竹身裂架，而笛子裂左的話，根本上係已經唔用得既，原來在於佢既氣流物理性已經改變左，盡量都唔好用喇。

另外，天氣既轉變亦都會影響音準，咁所以，到左冬天既時候呢，你吹笛前１５分鐘要囉支笛出黎適應環境，因為笛袋入面應該係暖Ｄ既，你如果係笛袋囉左出黎，又立即再吹呢，咁你支笛就好容易會裂既，當然，一到左冬天，忌係室外吹笛，忌係有風既地方吹笛，因為裂既機會係比較大既。
＊　＊　＊　＊　＊　＊　＊　＊　＊　＊　＊　＊　＊　＊　＊　
Ｑ。擺係咩溫度之下？室內比冷氣機吹得唔得？
Ａ。最適溫度其實係２４度至２６度既
　　而且要保持一定既乾燥度，如果唔係潮濕起上黎，笛身就會發霉，要記住一樣野，笛子其實係好脆弱既，千奇唔好俾冷氣機既風吹正佢，唔係支笛好易裂
但係有Ｄ人支笛都無裂啵

人地唔裂既原因在於笛身出面果層保護漆油得厚，甚至入面都有油到，不過咁樣既話呢，其實係好影響支笛既，咁所以題外話少少，唔好買保護漆太厚既笛。
＊　＊　＊　＊　＊　＊　＊　＊　＊　＊　＊　＊　＊　＊　＊　
Ｑ。點樣清潔枝笛？裡面點清潔，唔怕有口水咩？
Ａ。上面提到要留意口水積，原因在於，如果你吹完支笛，有口水係因為，就咁放支笛入笛袋，然後由得佢，到左春天潮濕既時候，係容易發霉，而且會有一陣惡臭味，要清潔笛，其實係難既一件事，特別對於有Ｄ人特別多笛
１。清潔笛表面，可以用濕毛巾抹一抹，再用乾毛巾抹一抹
ＰＳ如果要清毒，一定要用極稀既酒精黎抹，開水溝薄佢，如果唔係酒精會傷竹表面
２。吹完笛之後，整甩Ｄ口水，呢個我就唔知點講，搖一搖Ｄ口水出黎，係咪咁講呢，哈哈－～－唔識打果個字～～不過當然搖落毛巾／紙巾到。
＊　＊　＊　＊　＊　＊　＊　＊　＊　＊　＊　＊　＊　＊　＊
Ｑ。請問用咩清潔呢？
Ａ。牧童笛咪有Ｄ用黎清潔內壁既棒既～～你可以用果Ｄ架＠＠～～～
其實根本上吹完笛之後，等Ｄ口水積自然乾左，先放入笛袋會好Ｄ。咁可能有時比較難Ｄ，可能上完堂之後，整甩口水之後，放入笛袋，返屋企喇，先囉返支笛出黎自然乾，先再放入笛袋存放，比較穩陣Ｄ既做法

＝＝＝＝＝＝＝＝＝＝＝＝＝＝＝＝＝＝＝
ＰＳ。
一個熱愛音樂、一個尊重音樂、一個敬愛樂器既人，係會做足所有既保養、保護工作。而且係唔會嫌麻煩，就好似照顧一個小朋友咁，為佢洗澡、培訓佢，如果你保養支笛好，對於開聲，開發音色係有起極佳既作用。

希望會幫到你吧

2009-08-30 12:40:25 補充：
差d唔記得tim~~~
如果內容入面有咩唔明,你俾個信息我,我會再覆你^_^

2009-08-30 20:16:14 補充：
再補充少少，未成年的話，最好唔好用酒精消毒，特別係１４歲以下＝～＋我驚唔識開稀酒精，處理得唔好，俾屋企人飲左，或者掂到又唔洗手食野就好麻煩

2009-08-31 16:47:07 補充：
24~26度....
好似今日咁30幾度(成個夏天都係咁熱)，
咁枝笛咪唔使要？


多謝你ge答案~~我其實係岩岩學ge~~
覆返你：

室外係30幾度,唔係室內30幾度架ma==室內30幾度,真係熱死都似= =...
所以特別既熱天氣,唔好係戶外吹笛,會令笛子過份乾燥而裂,特別唔好對住太陽呀==!!!