Canon G10 影人像夜景問題

這是由於你冇用腳架,只係手持拍攝.
閃光燈係可以好有效將人像涷結,但係佢並唔夠力閃到好遠既背景.
由於夜晚光線暗,需要長時間曝光,所以手震的影響會被放大,背景就會矇,即係你講既好浮.你如果留心睇清楚,可能仲會發覺唔係成個人像都咁清楚,人像的邊緣有機會都係有小小矇的,除非人像站立的地方好黑,否則四周的自然光會在閃燈過後照樣影響個人像.
要解決問題要用腳架,配合相機的自拍功能,就唔會有手震的問題.另外雖然一般夜景拍攝會用比較細光圈做散射既燈光,但拍人像因為個人都有機會會郁,曝光時間不宜太長,建議用光圈先決把光圈開到最大拍攝.
如果你真係唔想用腳架,咁就唯有提高iso拍攝以縮短快門時間,例如用iso 800甚至iso 1600,而且唔好zoom遠避免光圈變細,手定啲應該都得的,不過相片就會好多雜訊.