大斜路開車?

先講講原理：
棍波車，需要踏著極力子來入波。所以你入了波，極力子未放既時候同樣是空波。所以兩個方法既分別唔大
第一個方法，你比左油門先。你吊極力子就唔洗吊得太高，會比較易容找到「車震點」，放手掣後再放極力子便會行到車。
第二個方法是比較正常，在斜路上既車震就要震勁 D 會比較安全。之後比小小油便要放手掣，否則你便會拉著手掣來開車(一樣會肥)。
另外，你未放手掣又點會溜後。方法一及方法二也是拉著手掣的！如果吊極力子唔好，就兩個方法都會溜後。

2009-08-29 10:44:23 補充：
平路你引掣幾百轉都行到部車架啦，二千轉可以開到 20至 60 km/h(視乎你入咩波)。簡單講，平路你入波唔比油部車都會行架啦。無車牌或未開過車就別老點人啦。

我部 97 年日產 Sunny，1498cc ，103匹馬力，上高速公路，都只大約行 1500 轉，去到 70km / h。

2009-08-30 00:59:33 補充：
首先，你唔比油，入一波是不會死火的！到底你試過學車未架！你學過車，都會知道入了一波便會自動向前行，唔踏 brake 是唔會死火(平路)。本人是掃巷甫學車考牌，是斜路做窄位調頭，但就算在斜路唔比油唔吊極力子，都未試過死火。如果沒有此經驗，就唔好老點人啦，考一次牌最少都要成千蚊架。

一般而言，大部份貨車輕輕踏油，是無可能去到 2000 轉(大約要踏至 1/4 左右)，除非你果部是RX-8，Fairlady，保時節之類既跑車，才會輕輕一踏便上二千。

此外，一般考牌後既街車，有半數司機也會以二波來起步。當然這個肯定會被剔選用不適當波段，但這表示一波就算唔比油也不會出現唔夠力死火。

2009-08-30 01:02:47 補充：
方法一來起步，架車會比較定。不過如果比油過量，就會有推背既感覺。

你都係新牌仔啦，考街大斜路(唔係香X駕X學院內)，
建議你用方法二，亦比較正常，同埋對你日後揸車有好處。

既然你已熟習左搵到摩擦點，車震時比油望下轉數表上2000轉，唔好縮左、右腳，再鬆手制行車後，然後先放左腳。

stephen君八成都啱，C君講既就有D保留。

用方法一，架車在 3000轉鬆手制後會bill / chok的，會令你不自覺踏番低個極力子，因而產生俗稱跑馬仔情况。

平路用方法一開車，你一bill考官實踏停你或比你大tick，肥得。
如果你有牌有車後用方法一，就預多D錢成日換極力子碟片。

2009-08-31 06:08:34 補充：
仲有，平路開車入 1 波後唔駛 2000轉開車架，1200~1500轉 OK架 La。

第二個方法是有溜後或甚至引擎死火之可能，所以初學都不會教秘二種方法。
第一種方法，最初是要看轉數錶，將油門定於3000-3500轉間，視斜路之傾斜度及汽車之馬力。再慢放極力子，當聽到達摩擦點，就放手再比多些少油去。慢慢你就可習慣聽出引擎達3000轉時所發出之聲浪，就能得心應手去駕駛。
平路引擎起動時亦要達2000轉，這些知識必須要清楚。

2009-08-29 12:59:14 補充：
一般引擎之迨速(idle speed)為800-1000轉每分鐘，該轉速原則是能保持引擎之連續運轉。慢過此轉速時，引擎就會隨時死火/停轉。而輕踏油門就已到2000轉。樓下之人士，駕駛時無留意汽車之錶板顯示，就輕率地話人不是，可想其駕駛態度都有問題

2009-08-29 13:07:24 補充：
1500轉在高速公路行駛60km巡航是很多車都可以達到，因引擎只須要保持汽車之動能而已，亦因此行高速公路是最慳油的。但汽車起動是完全兩回事，引擎是要提供加速度與汽車加速，引擎要提升轉速令扭力增加，以達到理想之加速度。這些簡單之物理特性，可能樓下之人兄全無認識。

2009-08-29 13:22:00 補充：
為何要使用第一種方式起動，是因為使用第一種起動方式，你是確知引擎狀態，初學者應會較容易做到而引擎不會死火。而使用第二種方式之人士，通常是對該汽車已習慣，知道大概摩擦點在何處，起步時就可以更快。但如果部車經維修極力子後，所吊位置隨時有變，部車就有可能溜後或死火