請各大師解答關於子平八字和紫微斗數起運計算一問

八字係以月柱來排例的. 由出生日數到下一個節氣剩餘日數時辰來定, 三日為一年, 一日就有120日, 一個時辰就有十日,

紫微斗數係以五行局來定. 好似你講火六局咁 就係六歲起運的 水二局就以兩歲起開始.

兩個睇法唔同.

2009-09-05 08:19:44 補充：
以古代來講, 古人算命要批八字的話係一定要隨身袋住一本萬年曆, 對於佢地來講係好麻煩, 因為本萬年曆係十分巨大, 唔似得而家可以電腦一按就有, 唔見本書o既話會即係唔洗做野. 於是就有人發明紫微斗數, 紫微斗數只係需要知道年月日時, 就可以起盤, 而無需要起四柱.

以我個人愚見, 兩樣野都會有機會出現偏差, 八字最容易出錯o既地方就係分唔清身強身弱, 或者係從,專格, 即係捉錯用神. 而紫微斗數係比較難一點. 每一粒擺係唔同位置吉凶強弱已經好唔同, 而且又要會參三方四正, 所以係比較難解讀.

2009-09-05 18:45:53 補充：
的而且確, 兩者排大運真係有偏差. 紫微係用五行局, 八字係以出生日到下一個節氣來定. 但係看流年的話兩者講o既野都係差唔多!!!

兩個都係唔同人去創造出O黎. 你話如果看大運的話, 我個人意見會先以八字大運作為參考. 然後再看紫微說法, 咁就會提高準確性.

每個派別一定唔同, 我就會兩者都看一看. 大運我先用八字, 流年我就會先用紫微去睇, 然後再合參!!! 因為紫微會更加詳細!!!

兩個唔同佢術數各自有各自既計算方法，你合參時唔可以將八字運用斗數計，又或將斗數運作八字計，八字運用八字計，斗數運用番斗數計。

2009-08-28 18:09:50 補充：
有云天下武功出少林，各門各派各有不同之處，但目的一樣，你學邊樣學到能夠爐火純青，咁邊一樣都咁準。只怕每樣學Ｄ每樣都半桶水，咁當然結果參差啦～