我係咪想像力太過好??

其實我都係啊！！
我成日都覺得人地知我個心想緊乜
因為我會係人地口中聽番自己果句


但想清楚D，人地又點會知同聽到我講過D乜
其實我覺得身邊的人知道同聽到我想緊乜
係因為我地對一件事都有類同既睇法
同人地有同樣既想法其實都係一件好事黎
起碼你講出黎會有人認同
同埋如果你想既果件事唔係衰野，甘都唔驚比人知


當然，人地係聽唔到同唔會知道你想緊D乜


至於你出街覺得d人日望住你，呢個其實好正常。

一方面因為你望住人，先知道人地望住你
另一方面，你其實可以留意下果D你覺得係望住你既人
果D人係做緊乜？行緊街？傾緊電話？
你望下佢地係淨係望你一個
定係經過佢身邊既，佢都會望？

你亦都可以企係一個多人靜留既地方
例如地鐵站好多人都等人
你企係度睇下D經過既人係淨係望你一個，
定周圍望，定個個都望


你就會發現其實人一無聊就會周圍望
佢地根本就唔係認真用心甘睇緊一個人/一件事物
特別係傾電話果d人，鐘意望住一個焦點

你唔係有妄想，
你其實只係缺乏自信，同埋一個人寂寞既時間好多
試想想，如果你係同FD行街，你又點會個腦想住人地望住你？
如果你唔係成日一個人思想問題，又點會覺得人地知你的思想？

我建議你多D約埋朋友出街，多個人都無甘悶，一齊傾解可以分散下自己注意力
另外亦都將自己心入面既想法多D講出黎同人分享，話唔定你會發現其實身邊既人都係甘想
甘樣，你就有個途徑可以抒發一下內心既自己，
希望幫到你過得開心D

你想得太多了!!!!!!!放鬆點!!!!!!!!!!!不要胡思亂想!!!!!!!!

e位人兄, 我都係啊^^ , 成日出街都覺得有人望住曬錦樣,不過其實我諗錦係冇問題既,只可能係因為你自己時時刻刻都想o係人地心中有一個良好既印象,等人覺得你樣樣野都做得好好姐,,唔駛擔心wo 朋友~~

可能只系錯覺黎姐
我都有時候出街覺得d人望住我
不過我都會當距系錯覺

你冇有妄想 哩d只係你d錯覺 你話你成日覺得身邊的人知道&聽到你d思想,只不過係你d心思好容易比人古到姐!

其實都幾有趣, 如果佢地真係知道你諗咩, 咁你去買野時候咪唔駛用口講, 只要心裡面不停諗住eg 一支軟雪糕, 咁對方就會攞俾你, 如是者, 你咪以後都唔需要講野, 進一步諗, 大家都靠惱電波溝通既話, 同一個頻度既一群咪可以有讀心術, 你試想, 成班fd一齊出街都唔駛講野既場面有幾怪, 哈哈, 我都係胡思亂想既人, so sorry!

出街有人望都好正常, 但絶對唔係凝視果種, 除非你非常特別啦, 有時dd感覺可能反映你潛意識裡好想得到別人認同, 注視, 讚美之類, 有想像力係好事, 但現實同想像要分得清楚, 希望你唔係思覺失調啦!

你唔好咁諗啦

只要好似平時咁笑就得啦