鑽不銹鋼應該用咩鑽嘴??

其實唔駛好貴既鑽咀都做到.
鑽咀燒既原因係與不銹鋼通既切削角度過大,
唔可以有效地切割, 形成磨擦產生高熱.

解決方法 (如於不銹鋼通鑽8mm孔):
1) 先用直徑比較小的鑽咀 (eg. 1.5mm) 係中心點鑽一小孔
作用 :
a - 直徑較少, 可減少磨擦面積,
b - 2mm鑽咀頂端之切削角較8mm銳利及有效
c - 因鋼通是圓形, 先鑽一小孔, 也不較不易走位, 定位比較準確.

2) 再用8mm鑽咀於同一位置鑽下, 效果會好好多.

3) 可以的話, 邊鑽邊灑水冷卻 (可駁條膠水喉引水滴漏於鑽孔的位置)


Hope this help.

首要條件係選擇質地合適的鑽咀，要用峰鋼那種，第二係鑽速，第三係力度。
要鑽洞的地方，先用小鑽咀定位，再轉大洞，轉速不宜過高，加潤滑油有幫助，可按情況分段加力，作用係讓鑽咀不會因摩擦產生高溫而燒毀，力度適中便可。

鑽不銹鋼應該用咩鑽嘴??你應該在鑽動時加油（生油也可！）以便冷卻！

不銹鋼加工時會燒就聽得多，不過鑽咀燒就好少聽到，會唔會揸手電鑽鑽到個地下？如果係咁，搵木板墊住就得。

有時你去用金鋪會見到D金色既鑽咀，果D鍍左鈦既，你可以問下有無鍍鈦鑽咀，至少$10一支。

如果你響機械工場，可以用水性切削液，係奶白色、水性既，俗稱梘油。不過好難搵到散買既鋪頭。

點解用梘油？因為可以散熱、減底切削既阻力，防銹。

又如果你鑽既係不銹鋼，用既係鍍鈦鑽咀，可以試下用清水。
一般既加工唔會用清水，因為怕工件生銹，但不銹鋼唔會有厘個問題。

最好試下唔落水得唔得先，唔得先落少少水試下。