我隻牙腫左..點算好

先回應一下以上回案
1）mnwong1997 ：自己拔係冇可能，因為杜牙根失敗既牙係同普通既牙唔同，佢比普通牙仲實，自己剝好大機率産生極度痛楚、感染，如果牙根太接近鼻腔，會令鼻竇穿洞，若係上顎既臼齒可能會影響三叉神經，而且你唔知道kwaneva2001 另一方面有冇其他疾病，有既話自己剝可能小命不保
2）becky1995910 同celenekw ：熱氣：即生口瘡（即飛滋）係唔會令kwaneva2001 牙肉腫，更加絕對地唔會令佢痛到訓唔到。但係的而且確減少食熱氣嘢係會減輕病程

你既病徵係
1）杜牙根既牙肉腫痛，應該係好麻，但唔係刺痛既痛
2）杜牙根對上出現既白色水泡

以上既病徵係杜牙根失敗既其中兩個病徵，最大既病癥係當你去照X光既時候，杜牙根（X光片上既深白色）附近既地方去出現黑色，即牙根受感染，亦即係杜牙根失敗


咁杜牙根失敗點算？？
醫生會俾兩個方案：
A）重新杜牙根
會比第一次杜牙根手術更複雜，牙醫要求更專業，由於重新杜牙根需要見牙醫4-5次，就算係私家醫家整個排期到起碼一個月先做得哂，但呢一個月唔保證你要重新杜牙根既牙會唔會感染其他牙，重新再導牙根既失敗率高達23%
B）剝牙
剝牙，之後等牙肉好返後再做植牙或3個牙套，植牙比較貴，但係咬力好，一般可以用10年，又唔會磨細D鄰居。用牙套會磨細鄰居，不建議使用

我本身諗住重新杜牙根，失敗咗咪拔牙LOL，點知揾咗3間，而3間牙醫都唔肯做重新杜牙根（但係已經收咗我檢查費，仲要照X光），係揾既同時又花咗時間，所以直接第二個方案好D


抗生素既使用
1）係等既同時，可以問醫生可唔可以開抗生素俾你，抗生素可以係你等既時候隻杜牙根既牙唔會咁易影響鄰居， 一旦你再拖，影響咗鄰居，係連鄰居都要杜牙根
2）服用抗生素5天牙泡會消失，不需擔心，但防止惡夢再起，建議都要剝牙
3）抗生素係盤尼西林既“親戚”，而大約有8%既人會對盤尼西林過敏，若你對盤尼西林敏感，一定要同醫生講

減少吃熱氣嘢係令身體抵抗力好D，達至抗生素一樣既目的，但係唔係人人都戒到口咁解


點解會杜牙根失敗？？
1）可能牙醫係消毒做得唔好，通常都係拖幾個月就出事
2）好似你咁耐之後出事，應該唔關個牙醫事，好可能你沒有用牙線，或者你用牙線不正確，令細箘係牙縫之間慢慢蛀入去

小學時已經導牙根了- -"" 近來有隻牙又唔知做咩事..?
既然已經杜過牙根, 應該冇咩事 ... 除非上次杜牙根的手術唔好

前排都試過一次腫痛...之後冇事 ...而加又係咁..點算呀..??
我覺得你牙肉腫痛同杜牙根冇關, 可能是你發熱氣, 引至牙瘡腫痛

我痛到訓唔到呀...有咩方法可以解決呀???
1.你試下每日用稀釋鹽水漱口, 每日含兩次, 每次含五分鐘
2.飲一大杯稀釋鹽水
3.飲花旗參茶, 涼茶, 五花茶, 吃龜苓膏, 都有助清熱解毒, 令牙瘡痊癒
4.暫時避免食熱氣零食和煎炸辛辣食物 ... 蝦蟹鴨鵝牛肉
5.多飲清水, 菜湯, 吃蔬果
以上方法1-5對你有一定的幫助, 很快會痊癒

我係咪又要再導牙呀??定點呀 ????
不要擔心, 你要再杜牙根的機會不高 ...
不過如果你試過我教你的方法都唔得, 那就去睇醫生, 政府普通科都得架啦

可能熱氣...試下唔好食咁多熱氣野..飲下涼茶同埋唔好用手禁佢._.'