好驚拍拖 我好驚受傷

我結過婚 到而家都重未正式離婚 一直都搞緊離婚 都大半年了
呢段時間我都有拍過拖 但一拍拖我就好驚 唔夠1個月就會分手 因為我真係好驚 好驚再次比人呃 我好驚再受傷
我有焦慮症 我有睇心理輔導 我其實好易信人 又好易比人呃 朋友又好男朋友又好 都呃過我出賣過我 就連屋企人都係咁 自己屋企既問題影響到我唔想再信人 好難得地相信個老公 最終都係離婚收場
最近同左個朋友開始左 一開始我又驚啦 未開始大家係朋友果陣 我好信任佢 因為大家係朋友嘛 開始左佢變成我男朋友之後 我對佢就愈黎愈唔信任 我知問題係係自己度 佢知我有病 佢話會體諒我 同時間証明比我睇 但我果份擔心完全冇減退過 我知佢份人冇乜野 而且佢真係好明白我 因為佢都結過婚 佢屋企都一樣好多問題 所以佢能夠同我身同感受去明白我 但我偏偏愈諗愈驚 我好驚我又會因為我自己既驚同擔心 又分手 因為我自己都知好難得遇到一個真真正正明白我既人 我唔想因為自己既問題搞到分手收場 但我又唔知可以點 唔知點面對 佢返工好忙 我好想同佢傾下我自己呢個問題 但佢真係忙到返工放工訓教咁滯 我唔想阻止佢休息 我又唔敢同朋友講 因為我都知係自己諗多左 而且有d朋友未結過婚 佢地同我講既意見只係話 有個人對你好 當水泡又好當寄托又好 要住先 再唔係分散投資搵多幾個 呢d意見我真係唔接受 感情係認真對待 要玩要拍散拖 的確唔使煩唔使諗 但我唔覺得咁樣會開心....定係真係我自己睇得太重太認真所以搞到咁??順其自然點順其點自然 我真係好驚.....