游水 定 跑步好d

從兩方面睇 ~ 消秏量同肌肉線條兩方面睇 ~


先從消秏量先 ~
http://www.everydayhealth.com/Calories-Burned-Swimming.htm
呢個網頁唔係廣告來, 佢可以同你計消秏卡路里,

下面揀返 running 就可以去計下跑步消秏左幾多.
呢個消秏數據雖然未必好準, 不過誤差應該在 +- 25% 內.

以我個人計, 30分鐘 5km 速度, 跑半個鐘只消秏 300 卡路里左右, 跑一個鐘先大約 600 ..

當然, 游水 : swimming, freestyle, light effort, 一個鐘先可以 460 卡路里,
不過游水可以做落去, 游落去,
只要你有體能, 有時間, 就可以繼續做,
唔會好似跑步咁易傷關節.

跑步 一般人唔好隨便超過 10 km (60分鐘左右), 再多易傷關節,
我就係之前隔日跑 30km, 而家醫生叫我, 如果唔做物理治療, 就唔可以再跑 ..
但游水可以連續游,
如果你連續游到 5個鐘, swimming, freestyle, light effort, 消秏量 2000 卡路里以上,
而跑步, 跑 5個鐘30幾 km, 無教練指導下, 膝蓋好易傷.

所以, 以消秏量而言, 睇你有幾多時間 ~

游水要去泳池, 要換衫, 游完要沖身, 要洗游泳物品, 再加上游長途, 一個朝早可以消秏 2300 卡路里而唔傷關節, 但真係要你有 5-7個鐘.

而如果你得 1-2個鐘, 就跑步好 d, 始終跑步唔需要清洗好多物品外, 亦唔適合跑長途. 一次消秏量預算在 600卡路里之內





而肌肉線條方面~
游水係全身運動, 而 6 成力量來自上半身,
所以對身體整體肌肉發展會較平均,
例如 bye bye 肉, 如果一個月總距離可以游到 70km, 3個月真係想有 byebye 肉都難 ~
對男性而言, 可以游幾多就游幾多, 可以練埋胸肌, 腹肌, 背部肌肉, 上身外觀會好睇 d,

而女性, 如果識練唔爆發性咁游, 背泳同自由式亦可以練出蘿腳,

相對而言, 跑步重點是下身用力, 8成力來自下半身,
所以容易令大脾以及 pat pat 增肌而變闊 / 厚,
小腿肌肉亦變得明顯, (女仕未必鐘意),
byebye 肉亦無乜機會有收緊機會, 上半身好可能仍然好 pul, .

在肌肉線條而言, 游水會比跑步好

兩種運動都對增強心肺功能有很大幫助。如果條件許可，一定是游水好些少，游水出現運動創傷機會極微，而跑步嘅人極少未試過受傷，最常見是引起骨膜炎、關節勞損等毛病，輕微扭傷、腳痛更是練跑步的人要習慣了。而且游水是比跑步更注重協調，對整體健康會好些少。
如果 可以不停咁跑45-60分鐘 會唔會跑步好d?
要不停咁跑45-60分鐘 ，必須有經一段過適應時間，能達到這成績是要堅持練習一段時間，自然會覺得身體好過以前。經過一段時間鍛練後，甚麼運動都會對身體有好處。

其實係游泳好D，因為佢運動量比跑步勁D

其實視乎你like游水定跑步嘍~呢兩個都係加強心肺功能嘅,不過
游水可以幫助骨骼發展同治療寒背or陀背,跑步就可以keep下fit
咁嘍。

補充:你話長跑定短跑先?如果係長跑嘅話我覺得OK嘍