法律問題: 租約問題?

首先問一個問題：租客幾密交一次租？一個月？一年？

法律上沒有正式的租約並沒有問題，除非租約長過3年。如果長過3年一定要做契 (Conveyancing and Property Ordinance s.4(1))

如果雙方無同意租約幾長，我估計現時你既租約屬 Implied periodic tenancy at common law。呢種租約只需要 1)租客定期俾租；2)業主接受租金。如果租客一個月交一次租，租約就算月租租約；如果租客一年交一次租，租約就算年租租約

呢種Implied periodic tenancy at common law無需手寫租約亦無需做契，口講已ok

如果租客一年交一次租，屬年租租約，你必須於 182天前通知租客搬出；如租期屬一年以下，你必須於一整個租期前通知租客搬出。換句話講，如果如果租客一個月交一次租，租約就算月租租約，你必須於一個月前通知租客搬出。如果你要求租客立即搬出，租客在法律上有權要求一個月的租金賠償

如果雙方有口頭同意租約幾長，但無同意可以提早完結租約，除非得租客同意否則不能提前解約

所以要求一個月的租金賠償其實合理

100%唔算刑事威嚇，因為佢無威脅會使其他人的人身、名譽或財產遭受損害或作出任何違法作為

刑事罪行條例第24條：禁止某些恐嚇作為
任何人威脅其他人 ─(a)會使該其他人的人身、名譽或財產遭受損害 ；或
(b)會使第三者的人身、名譽或財產遭受損害，或使任何死者的名譽或遺產遭受損害；或
(c)會作出任何違法作為，而在任何上述情況下意圖 ─(i)使受威脅者或其他人受驚；或
(ii)導致受威脅者或其他人作出他在法律上並非必須作出的作為；或
(iii)導致受威脅者或其他人不作出他在法律上有權作出的作為，即屬犯罪。


2009-08-27 17:14:01 補充：
如果你於法定期限前俾通知租戶搬出，你就無需賠償

e.g. 月租租約，1/9/2009俾通知要求租戶 1/10/2009搬出，你就無需賠償

沒有第三者在場

或者咁講, 你地有冇口頭承諾, 有冇 第三者在場???

你有冇做氾法野先 , 例如末補地價就拿間居屋出租 ???
如果有做氾法野, 你無計快d比 $佢走, 唔好介意我咁講, 因為一般人好少唔立租約的.......

如果冇做氾法野, 我覺得間屋係你, 你亦有權比個限期佢搬走, 至於刑事威嚇我本人覺得唔算, 佢只是博大霧姐, 見你好似好蝦問你拿番d使用, 唔使理佢, 你同佢講比條毛你就差唔多, 租間屋收你幾千蚊仲咁樣, 因為而家你地大家都係五五波姐, 無立租約大家講過信字, 你同佢講我比個期你, 你一定要搬........唔會補 $ , 跟隨去問問律師如果佢死都唔走可以點 ?????叫律師出信嚇下佢. 唔會好貴.......


不過, 你下次唔好咁樣, 一定要立租約, 保障自己先, 而家經濟唔好, 好多人發穹惡 !!!!小心為上.........