本地大學學費一問

學費每年$42,100. 書買唔買就隨便你, 通常書要幾百元一本. 宿費就視乎你邊間大學, 甚至住咩宿舍. 少既一年幾千(但差唔多一萬), 多既可以一年萬幾元.
其他開支包括膳食及住宿開支. 食野平有平食, 貴有貴食, 平既可以一餐$20, 貴既可以一餐$25或以上. 住宿開支方面, 洗衫費通常以一機計, 每機約$8或以下. 開冷氣要另外收費, 通常以小時計, 但收費唔算太高. 仲有買洗衣粉、柔順制、洗頭水、沖涼液、牙膏牙刷等. 柔順劑十幾元有一支. 沖涼液及洗頭水平有平用, 貴有貴用, 最平十幾, 最貴差唔多六十幾一枝, 一支自用夠你用兩三個月.
電腦方面, 可以買notebook或者搬屋企電腦用. Notebook最平大約二三千, 大學會有promotion campaign. 入宿前你又要搬野入宿舍(例如個人用品、床單、枕頭、衫褲鞋襪等, 宿舍有基本傢具提供), 搬運費自己問下搬運公司.
詳細每月開支就要自己詳細計下, 但記住要用得精明.