男友跟我説.和你拍拖很辛苦

我諗你真係要好似以上各位咁講
要首先了解佢點解咁講
我唔知道佢點解咁
但我估計佢有以下呢幾個情況

1) 有時候男人咁講
會係因為佢好攰
同埋可能佢果一日好煩
做左好多野
又發生左一d野
而咁岩你可能又做左一d野令佢覺得仲煩
又或者佢想發洩
而你又係佢認為最親既人
所以佢先同你咁講
所以以上既就純粹係一種發洩
你可以氹返佢
問下佢咩事
話比佢知無論點你都會支持佢
等佢覺得冇咁辛苦
又或者等佢得閒
同佢去玩下
同佢輕鬆一下

2) 佢同你之間發生左一d問題
但你完全唔知道有呢個問題
佢咁講係希望你知道原來佢覺得咁係辛苦
佢想你同佢一齊解決呢個問題
當你聽到肯定會唔開心
但係如果真係我講既呢個情況
你就應該問佢發生咩事
同埋同佢一齊解決
因為我相信你會唔開心
係因為你愛佢

3) 呢一種係最唔想既情況
就係佢已經除左你
仲有第二個
佢覺得辛苦唔係你做得唔好
係佢個心已經唔係你度
所以如果係呢一種咁差既情況
我會勸你同佢分手
因為你同佢分手
除左因為放過你自己
仲因為你愛佢
因為愛一個人唔係一定要同佢一齊
佢個心唔係你度
佢覺得辛苦
你應該放開佢
同埋你自己會比留住佢更快樂

p.s 我同你講左第3個情況
我諗你會好在意第3個情況
因為我都係女仔
我都明白女仔會亂諗
仲要係一個咁唔開心既情境
但我我唔希望你自己一個人諗d咁差既野
因為我唔係你男朋友
我唔知佢點諗
佢有可能係第一同第二
又或者係三個情況以外
如果你真係想知點解
你應該問佢
我答既方法就係係你問完之後可以做既野
希望可以幫助你la
要加油
唔好再係度一個人亂諗la
打比你男朋友問問la
加油

2009-08-26 21:15:57 補充：
再睇到你既補充
我知道你係第二個情況
既然係咁樣
你就應該問下佢你想我點對你(但唔係發爛炸)
同埋你同佢講你自己點諗
希望佢可以體諒
兩個人一齊唔係邊個要求邊個
係兩個人有一個共同既共識
因為大家都唔係同一種人
大家都有唔同
要配合就要兩個人都退一步
你知道左佢點諗後
佢又知道你點諗
兩個人平平和和講掂數
一人退一步
咁先係最後可以解決問題既方法

佢咁講已經係 無謂同你係一齊.
一齊只會辛苦.不如分開.
你地兩個未搵到一個好既相處模式.
你地唔岩一齊.
早D分開.可能分開之後發覺你地係相愛.
之後會幸福呢

仔死仔還在,下個更可愛.
如果佢覺得辛苦,你就放佢走啦~
下個可能更可愛呢~
其實D男仔玩你,只不過想你唔開心,
相反,你要開心比佢睇,
快D揾翻個比佢好既男仔,
要話比佢知,即使無咗佢,你都可以好幸福,好快樂.
我支持你,放心啦~

你要比佢放縱dd,

但佢咁講可能係佢早就有第2個,

佢想同你.....x手呀可能~

我係你 我就會當沽左D股票 唔要條有 如果你要面 就你主動講分手 唔好比果個人搶先一步 要決絕!!

你問下佢有d咩令佢辛苦,

試下改,如果改唔到就放佢走la....

否則你會仲痛苦.....