我剛升上中學，但一個人都唔識...

你同同學之間依家缺少左"同一間小學"既話題，
甘你可以一方面叫佢地講下小學既事比你聽，
甘你又可以問下問題，又可以了解下佢地小學多D


另外，其實你地都升哂中學，
所以你可以講番1d中學你地一齊發生緊既事
例如考試測驗、邊個老師之類既話題
甘你就可以入番去"同一間中學"既話題入面


你講到話籃球隊唔多理會你
我想問係個球入面本身風氣係甘
定係淨係對你係甘？
籃球隊其實都應該有練習
你可以趁練習果陣同佢地傾下解
或者放學之後出黎打籃球之類

當然，話題內容除左學校功課、老師之外
你地都應該有自己鐘意既野
e.g.音樂、歌手、書、電影、卡通之類，
你都可以主動問下大家平時有無睇開、做開d咩，
搵個話題講下甘


其實依家先至岩岩開學
你d同學仔同一間小學升上黎，
人生路不熟當然會講下小學野同大家拎下歸屬感

但係中學生活開始，大家就會有中學既生活
所以你依家唔熟唔緊要
只要你繼續主動去搵朋友
過多一排，大家就自然會講下中學生活既話題，熟左起黎

加油！唔好因為開學一時失敗，就放棄識朋友既機會

坦白講，我都試過你lee個情況。的確好孤單。
不過，只會係暫時，因為你已經係籃球隊，團體活動可以好快建立友情。友情唔係一朝一夕得來的，要慢慢來的。
交朋友係講心既，你用心同對方做朋友，對方一定知既。
我當年，因為朋友唔多，所以不繼讀書，結果，考全班第一名，咁大家都對我另眼相看，咁朋友自然多左，加上我係陸運會中拎左幾個牌。所以到我畢業，全級冇人唔識我，個個見到面都有招呼打。

努力丫，校園既生活要過得開心丫！！

好似你e種情況, 我相信世界上都好多人試過. 其實你可以回想一下, 到底你由幼稚園升上小學, 點樣識到朋友呢? 其實你可以試下主動同人溝通/籍住老師帶比你地既活動, 去識下你地d同學仔. 講真, 其實我都係大你一年, 而家升中二. 只係我小學升中學係一條龍. 雖然係咁講, 但係好多我既同學都去左其他中學, 一開始都有小小孤獨架...... 不過你呢, 唔洗為小小事而掛心, 順其自然啦, 我一定會支持你! 仲有其他意見想搵我, 但係唔想曬D知識點數, 可以比e-mail我. 我既e-mail係 [email protected] 祝你好運!識多d朋友!