幫幫忙,..我唔識安慰佢..

UM，反而我就唔係你咁諗啵。
因為人人都有自己本身既性格架嘛，有O的女仔(我係咁既人-O-)對住自己在乎既人時就會控制唔到自己情緒，明明好想珍惜好想愛護，但往往會出左反效果 - 傷害左對方。
唔好介意我咁問，會唔會係你關心佢既方式俾人有O的兒嬉既感覺呢?我識得O的朋友OR前男朋友都係咁，佢可能想用O的輕鬆O的開朗O的既方法黎乙水我，點知O係我本身己經唔開心既情況下，更誤會左佢好唔認真。
其實我覺得佢可能都係唔想發你脾氣架，可能佢本身就好難控制到自己既情緒，加上又唔開心WOR，佢話想靜下可能係因為佢唔想發你脾氣，因為佢冷靜完佢都有搵返你仲同你講無野TIM。
點解我會咁諗呢?因為以前既我都係咁，我對住朋友就可以俾佢地乙水到會輕鬆O的，因為只係[朋友]。反而對住男朋友時我就唔知點解會好認真，情緒根本就係跟住佢而波動既，我唔想發佢脾氣真係好唔想，但偏偏忍唔到，所以每次發完我又同佢認錯-口-!所以我覺得都係因為佢緊你。
其實有時留O係一個人既身邊好好陪住佢就己經勝過千言萬語，佢隻公仔唔見左就係唔見左，好難搵得返架喇。如果你係想乙水佢咪靜靜地買過另外一隻公仔送俾佢囉，同佢講就算哩隻代替唔到原本果隻，但都想佢開心，佢會明白的。
而且你都唔應該覺得自己係廢柴，因為我諗就算係咩人都唔可能幫佢搵返隻公仔，就係因為男朋友你又唔可以用朋友既方式去乙水佢WOR，咁咪試下第個方法囉:)
有時真係講多錯多，不妨試下我果方法。身為佢身邊既果一位陪住佢，等佢心靈都有O的依偎，你就己經係一個不一樣一普通既你了。記住你係佢男朋友呀，又何必將自己同佢O的朋友比呢?加油吧!

其實我覺得佢都幾識控制自己既情緒..
至少佢自己唔開心完會搵返你
唔係果種又要唔開心,又要夾硬迫你去哄佢
之後又借d意發脾氣果種

既然佢靜下之後就可以無事
如果大定係見唔到面果種
就俾d空間佢冷靜一下
再過一陣先搵佢囉

如果佢係你面前表達唔開心或者係你同佢相處果陣覺得佢係唔開心緊既,例如喊丫或者果日成日都無出過聲咁丫
其實你可以咩都唔講攬住佢,我相信佢會感受到既

除非佢叫你俾佢靜下,否則只要你係佢身邊已經係最大既幫忙,
有時唔一定要做d咩令佢笑返,可能你講得愈多佢愈煩

而且唔開心緊你估真係講下幾個笑話就可以即刻笑返咩事都無咩,你都唔得啦

唔洗覺得自己無用,都唔洗太緊張
每個人都有唔同既方式去控制自己既情緒

你靜靜地係佢身邊得相信佢已經好舒服


而且唔好介意佢同d朋友去傾佢唔開心既野都唔同你傾
有時佢唔同你講可能都只係唔想你同佢一齊唔開心
自己已經唔開心,唔通仲要自己鐘意既人同自己一齊唔開心
你唔開心埋一份可能佢更加唔開心tim

所以唔洗太緊張啦!!!^^

既然吾識哄佢.那就什麼不要說了.
你係佢男友,佢吾開心戈時你搵佢.借個博頭比佢就好.
就係甘簡單,比份安全感佢