去美國讀law,想番到澳門做野

1）係美國讀法律既感覺
我以前係IFT讀，後來轉去美國度做交流生，咁哥時因為科目配對既問題，要係美國修讀「旅遊法」(hotel and restaurant law)。

我美國間大學係旅遊系來講係全球第9。但我覺得讀法律唔係好難，可以咁講，哥間大學係我人生中學校排名最好但係讀得最輕鬆哥間。只係美國唔同既州有唔同既法律。學習本身州份既時候，一定要讀埋附近州份既法律。因為只要個疑犯跑去其他州份，咁法律會唔同。即係解，你係邊個州讀法律，咁要係邊個州任職法律事務。

我由美國返黎IFT時，我見到同學讀澳門法律，佢地同我講法律個案。我真係覺得自己好廢，好似自己學既知識一D都冇用。結果我係美國讀哥科係我人生中其中一科最廢既科目。

我讀書時，「旅遊法」既學生高達158人一班，即係除咗旅遊系，法律系，其他學系或多或少都要讀法律。意味着你將來係美國讀書，都可能要讀返少少法律

2）去美國讀law,想番澳門做野,會唔會唔承認？
佢地會承認大學資格，即係解一般大學資格，但不理學系既工作（例如酒店經理），而入職機率會比專科既機率低。只不過再從事法律系既工作你要重新讀過。我重申，係重新讀過，唔會因為你曾經係美國讀過而減少一兩年。因為法律系唔同其他系。你係澳門讀工商，之後可以係英國讀工商碩士。但法律就唔得，所以一D都唔着數。

3）係美國讀法律，出路點？
好殘忍咁答，係冇，除非你本身英文係第一語言，仲有少少機會。因為法律係高薪，好似貴族咁，所以太多美國本地人爭讀。即使係澳門度讀法律，我哥班成績超級優異舊同學，佢地個個辯論比賽出身，中文又勁，都讀到喊。講真，澳門法律係唔難入去，但係難畢業。個人認為，讀法律真係好無聊架（我美國哥時就好彩個教授教得好咁唔同）。我見到班同學讀旅遊法，佢地用英文讀又唔明，用中文讀更加唔明，讀法律真係諗清楚。

咁起番嚟澳門再修澳大既法律既時候,係咪讀佢一年基本課程?還是重新讀過?
咁如果想考司法,係咪冇需要再去讀澳大既課程呢

澳門曾被葡國管治, 所以大部分法律文件都係葡文，而且好多仲沿用緊葡國法例，多年來都無修改同進步，所以最重要係葡文係你既母語ｏｒ第二語言，咁樣先可以讀得明ｄ法律文件

其次回歸中國後，基本法已經全面實行，算係澳門其中一項重要既法律，但係有同無都係一樣，因為澳門人唔係太ｃａｒｅ呢方面既野

再講每個地方法制唔同，你係美國讀完法律，都一定要返黎係澳大修法律課程，而且只有澳大修讀既法律課程先至比特區政府同埋律司公會認可。

如果你既志願唔係做律司，可以去考司法﹑警隊或者法院等等既機構，入面同法律相關既技術員職位

閣下對在美國讀law似乎所知甚少, 你真以為在美國讀LAW易過借火那就大錯, 他和讀醫一樣難, 是美國收入行列之第三, 畢業生收入百貨十/百倍於澳門, 且是社會上流份子.
閣下真的如願的話, 又怎會放棄黃金要石頭? 再說美國法律和澳門很大分別, 即使真的要回澳門, 肯定要重新考試; 真是陸魂庭睇相了.