救命。。。急！！！！我隻狗隻腳行唔到！！

睇你隻狗仔咁o既情況應該唔似跌親喎....有可能後腿關節出現左問題, 你最好快d 帶佢去睇醫生喇!
有一間診所叫太平道寵物診所 ( 網址: http://www.peaceavevet.com.hk/pavc_welcome.html ), 地址在旺角自由道 7 號 B 地下, 依間要預早book 位(最好早幾日或一星期打去book, 如果你早一日通常都 full ), 同埋佢有好多個醫生, 你最好搵麥子健醫生, 因為佢醫骨科最勁, 不過亦係最難book 時間o既, 至於你隻狗仔我諗大多數會照X光, 整體價錢方面都屬於偏貴架, 不過我覺得如果你一心想快D 搵出原因醫好佢, 其實搵D 平又冇咩信譽o既可能最終都要睇多幾次, 個醫藥費分分鐘仲多過你同佢去間好o既睇一兩次.

獸醫唔會邊間會平，收價錢都差唔多。x光一定要照，唔係點搵病原，就算你估中隻狗趺親，都唔知會唔會傷左骨，真係摸摸下就知隻狗咩事，你當獸醫係神醫。寬關節初期隻狗都識行，不過到最後期關節脫位，又加上生骨刺，隻狗都會行唔到，你有時間上網問，不如快D去睇醫生好過，早知咩事早D病，康復機會都會大D。

去非牟利獸醫診所，價錢會比一般獸醫診所平，NPV77可以有X光照，所以預約時要註明係要去新診所，
http://www.npv.org.hk/en/content.asp
預約電話:23932150