點選擇噴槍?

噴槍 = 噴筆? 唔知你係唔係講有關模型噴筆.
如果係, 2種分類.
1. 口徑, 一般, 0.2, 0.3 及 0.5mm.
2. 使用方式, single action, double action, trigger type
用在模型上, 一般會選0.3mm, 比較大路, 因為如果用0.2噴大面積較煩, 如果0.5mm又噴唔到細野.
0.3mm 有兩種 ,trigger type及 double action. trigger即好似手槍拉 "雞" 咁用. double action 放隻手指各上面, 按下出氣, 拉後出油. 各有好處. 但如果我選第一支, 我選double action. 比較難用, 但係如果用得好, 控制性比較高.
另外, 牌子方面, 日本一般都係richie, 郡氐, 雙星, wave.. 等等.
我自己用的有 郡氐 platinum 0.2及0.3, wave 0.2, 雙星 trigger 0.3及0.5, olympus 0.7 (已停產).
總括來說, 我們推荐 wave, 但係第一支, 要買0.3mm, 筆頭下有一粒黑色較氣裝置. 千里達, 英明約 780 - 800. 基本上同郡氐 platinum 差唔多. 但係覺得順d.
如果買 trigger type, 買雙星. 唔好買郡氐. 因為郡氐個手柄短, 一d都唔好揸.
台灣, 大陸筆真係唔知, 未用過.
泵方面. 郡氐ok, 但係貴, 仲要加火牛. 2,500左右.
台灣泵都應該ok. 千零左右.
選擇時, 主要幾件事. 1, 唔好太嘈 (雙星好嘈), 2. 最好有氣缸. 3. 有自動放氣或 auto cut off.
自己用 sil air 意大利泵, 較貴, 但穩定, 夠力, 耐用, 靜. 只要定期保養 (加潤滑油), 用十幾廿年都無問題. 但係體積大. 依家約2,000左右. 比郡氐要平. 如果花得起錢買郡氐, 又夠地方, 我建議買 sil air, 千里達, 廣益美術用品有得買, 廣益平d.
之後, 布喉, 水格等配件唔少得啦.