想取消和記寬頻的問題

我之前同你一樣。
我今年5月4號裝左，裝完唔駛一個鐘，勁多問題。
最後6月2號成功cancel到!!
一出問題我就打上去叫人整，5月6號有人黎左整，
整完都係咁，過多幾次，我就話cut，
佢地一直拖，搵左唔同部門，又搵唔同職級ge人同我傾，超煩!!
其實佢地係想拖住我囉，
真係頂唔順，搵左消委會，但係消委會話搵佢地只係做投訴，佢地唔係執法部門，
要和記承認自己有問題先cut到，
如果咁講，即係消委會一定幫唔到我囉!!
當中，我一直keep住同和記嘈。
每次佢地都係話等阿邊個邊個開會，唔係開會就係放假，總之都係拖為主，都唔肯正視問題，
我就每次都話搵當值主管就ok，因為佢地次次都話要搵自己直屬主管先解決到問題，我覺得佢地咁講都係為左拖。
成日都話過一陣會覆我，但次次都係冇人理我。
真係愈黎愈嬲。
我就解定每次用我的2部手提電話同埋屋企電話，total3條電話線，打上去和記，hold住佢d線，佢地唔想畀人hold太耐，最終搵左個主管同我傾。
另外，我除左keep住每日都打電話上去嘈，一直都keep住約師傅上黎睇，當然，預左整完都係咁，問題都唔會解決到，
總之，個師傅一離開我屋企，我就即刻打電話去和記話個問題又出現喇，咁佢地就又會約人上黎，但一定唔會約到同一日，之後下次佢地d人上黎整，一離開我屋企，我又即刻打電話去和記話個問題又出現，佢地又要再約，不停咁重覆。
因為我約人上黎，係一定會約o係我得閒的時間，但佢地d人係請返黎ge，上得多，佢地會傷ga嘛。
所以，和記拖你，你就keep住打上去嘈，
佢話要等邊個邊個開會，你就等hold電話線等，hold完一條線，同時就用你另一部電話又打去嘈，佢話要等人開會，你就話hold線等，唔可以收線。
仲有，keep住打電話上去約師傅黎你屋企整，我果陣一個星期入面，就有4日都約師傅上黎。
最後，o係度比d有用野你，
1222果邊d人好廢，做唔到野ga，
高佢地少少ge有「客戶關注組」，佢地電話係3543-8414
再高層次d，真係做到野，同埋幫到你cut你份約ge其中一員叫做Rebecca Chan，佢有個宜線電話2180-4733，
但你一打上去，90%以上唔會係佢直接聽，多數係佢秘書聽電話。
不過要小心，如果你係咁嘈佢，佢態度會寸過你一個double!!
我果陣cut到我張contract都係靠佢。
同埋佢個電話只係星期一至五，9:00a.m.-6:00p.m.先會搵到佢。
以上係我自己的真實經驗，希望幫到你。

你要不停打上去客戶服務，跟住搵師父，保留返每次出師父的紀錄，跟住就打去客戶服務要求取消，正常都可以相量的，如果唔得，就打去銷毀會投訴和打去傳媒求助！不過點都好，搵左師父睇左先啦！可能有得求！