養魚問題!!!!!我係新手,對養魚完全無經驗!!!!!

最基本既當然係有濾水器,
用正式既魚缸養魚,比用其他玻璃樽等容器好得多,
所以絕對無問題~
如果想魚生活得好d,
最好係冬天加裝暖管,可以有暖水過冬~
換水係換水喉水,
不過水喉水含氯氣,需要先養水,
只係將所需份量既水開出落個盆,再放過夜,
一至兩日都可以,氯氣就無左大部分,可以安心養魚啦~
跟住就係對水,
因為你平時買魚,d魚係魚袋內,
而袋內既水同你魚缸既水,水溫唔同,有溫差,
所以需要成袋放落魚缸水,等待30分鐘,
令兩者水溫平衡返,果時就可以放魚入缸,
當然係可以長過30分鐘,更好!!
主要都係缸同濾水器就夠,
魚缸 :
- 9吋 $45
- 12吋 $ 59-66
濾水器 :
- 掛缸式 $ 30 - 60
- 頂部過濾 $ 60-100
另外想夜晚有燈用,可以買支夾燈,
因為唔係種水草,所以唔講究係咩管,
- 夾燈 7w-9w $ 69起
- 腳架燈 $ 130起
最好都係準備埋未來可能患病既治療藥水,
魚救、魚快治等,一支約$15-18
主治白點病、爛鰭爛尾....................
注意 :
- 一日餵一餐
- 每次需於一分鐘內食完,避免魚糧停留水中過久,影響水質
- 每一至兩星期換水一次
- 每次換水換1/3至一半魚缸既水
- 出現魚尾起白邊,可換水+落粗鹽
- 魚缸最好唔落石春等底材,避免積聚魚屎
- 濾水器一至兩個月清洗一次
- 活性碳一個月換一次
- 生物環可以養硝化菌,幫助硝化有機物(魚屎)
- 濾棉如果污糟到洗唔到就更換
- 濾水器流量要係魚缸容量既10-15倍
- 魚缸 1 升水 - 濾水器流量 10-15升/小時

2009-08-23 11:32:24 補充：
養水係令水喉水中既氯氣釋出,
其實好簡單,只係需要開出一盆所需份量既水,放係屋企任何地方,
最緊要唔好密封,放過夜一至兩日就可以~

對水方面,當然係唔打開袋,成袋就咁放落去啦,
如果打開袋,我諗成袋會沈左落去,咁其實唔駛對水~

金魚最好係餵金魚糧,
市面有分熱帶魚糧、增色糧、花羅漢糧等等,
如果樣樣都餵得的話,我諗唔需要分到咁清楚吧!

第一要睇你養咩龜,
第二係你想點養佢~

2009-08-23 11:36:22 補充：
1) 例如巴西龜等類別 $ 5以上一隻
2) 水龜,即飛河龜 $ 280以上一隻
3) 陸龜 $ 600以上一隻

主要係缸,
養 1) 加浮台or石塊,濾水器就選擇性加唔加
養 2) 加濾水器
養 3) 加乾草,射燈或太陽燈

其實要養都唔難~

2009-08-25 10:13:18 補充：
龜隻唔食野都算正常,因為未習慣,
開頭唔會點食野,但係買左三、四個星期的話,
我諗你要重視下個問題,
試下轉糧,例如紅蟲、豐年蝦.......
睇睇有冇咩病徵,例如張大口呼吸、發出聲等.........
最後搵藥物治療~

唔食野可以係好小事,但亦可以好大件事,
所以都係睇情況~

2009-08-25 10:14:05 補充：
龜隻其實都要曬下太陽,但夏天時唔好暴曬,
因為天氣熱,暴曬會令佢中暑,曬一小時就放返入去休息,
休息一小時左右先好再曬~

金魚唔算易死,但係拉好多屎,我建議你養紅劍,因為佢地易養,再比起金魚生命力強d。
買魚時候最好係自己選,一條一條咁選,不要是一袋入面有好多條個d,因為個d魚入面可能有病魚,你見袋裝d價錢係平左好多架,好有可能係cheap野。仲要選一些無白點,無爛尾,無朦眼和活潑的魚呀!


一個缸可以養幾多魚:
一公升水可養一條 3-4 cm的魚。
點樣計算缸裡有多少水?
- 長x闊x高


用方形缸先可以計算。

(我建議你至少買一個有14公升水既魚缸)

設備:
1.缸,唔好放係大太陽的地方,會生超多青苔。

2.底沙
4.裝飾物
3.草或假草
5.如有養草,要買養水草肥料,養草專用的泥或沙。一日起碼要用燈照幾個鐘。買草同養草要花一大筆錢,同埋要花多d心機,但係個缸就靚d,魚會健康d。
(一係就唔好養草,一係就養成缸草,如果單丁買一兩三條草就無咁好,同埋你係新手,唔建議你養草。)
6.如果你買左沈木做裝飾,d沈木開頭一定要煮沸一次,以確保衛生
7.濾水器(非常重要,一定要買!),濾水器內一定要有過濾綿和生物環/生物球,因為魚的排泄物會變成成毒素,魚吸收回這些毒素,便很容易死。生物環/生物球便可以分解那些毒素了。(生物環或生物球盡量要唔好洗,太污濁先用水沖一沖就算,唔係既話,d生物環/生物球就無用。)
8.底濾,如果你有養好多草就唔好買,如果你無養草,最好就買埋,咁樣就唔洗自己洗沙,方便好多。
9.魚缸燈
10.魚缸專用溫度計
日常打理:

1.一日餵一次糧

2.一星期換全缸水既三份之一,最好用隔夜水(即將d水放一晚到天光,聽日換水),換隔夜水d魚會無咁易死。

3.如果你個個係小型濾水器,就兩個星期洗一次濾水器。

4.每個月要用魚缸專用的刷子抹缸,唔係會累積青苔。

5.四至六個月洗一次沙(如果你有底濾同埋有養好多草就唔洗洗)


6.冬天水溫低個二十度既話就放暖管(熱帶魚先係,金魚低過15度就要放)
7.就算真係無養草,night既時侯用燈照下d魚,d魚真係會靚好多架。

8.病左就要買藥,不過我建議你買支藥預防住先,買「魚救」都唔錯,水族鋪一定有得買,十纹有交易。
P.S:唔好聽人講走去洗魚缸,咁樣好傷d魚架。你依足我教你咁養魚就ok的了。


希望幫到你!!^.^

2009-08-22 18:31:47 補充：
唔記得講埋,剛買回來的魚要記得對水,即係要將個魚袋放進魚缸內大約20至30分鐘,讓魚適應魚缸水溫,然後解開魚袋,放大約3份之1魚袋水份量的魚缸水入去個魚袋,等多十幾分鐘,令魚適應水質,先將魚放入魚缸。

2009-08-23 14:33:57 補充：
養水即係用隔夜水(即將d水放一晚到天光,聽日換水),換隔夜水d魚會無咁易死。

對水,養水首先要將個魚袋放進魚缸內大約20至30分鐘,讓魚適應魚缸水溫,係唔洗解開魚袋。

之後先解開魚袋,放些魚缸水入去個魚袋,等多十幾分鐘,令魚適應水質,先將魚放入魚缸。

如果你想養龜,

請看這個網站,都係我的回答:

http://hk.knowledge.yahoo.com/question/question?qid=7009080200947

你住個度無陽光的話,可以日頭用燈照幾個鐘(最起碼)。

2009-08-23 14:41:19 補充：
sorry,打錯字,應該係
對水首先要將個魚袋放進魚缸內大約20至30分鐘,讓魚適應魚缸水溫,係唔洗解開魚袋。
之後先解開魚袋,放些魚缸水入去個魚袋,等多十幾分鐘,令魚適應水質,先將魚放入魚缸。

2009-08-26 14:55:56 補充：
濾水器只需買一個,如果你買左頂濾或掛濾就唔需要買底濾,有買底濾就唔需要買頂濾或掛濾。

2009-08-26 14:56:20 補充：
剛開缸最好買硝化菌,有部分水族店都有得買,養菌是非常重要的一項,因為硝化菌可以分解魚的糞便,減少魚缸的毒素。

養菌大約一星期後先好買魚,唔係養一缸就死一缸,好肉赤架。

2009-08-26 14:56:31 補充：
買魚前仲要記得幫d魚缸水儉查PH值,水族店多數都有得買用來檢查PH植的東西,因為有分偏酸性魚,同偏鹼性魚,但無論係偏酸性魚定偏鹼性魚,佢地都適應中性水質,即係PH值7,所以如果你個缸d水係偏酸性水,而你又買左偏鹼性魚,咁又係養一缸,就死一缸,所以養魚前要做足功課,要認清你想養的魚係偏酸性定偏鹼性,再調節好個缸水的酸鹼度先好去買魚。

PS:酸鹼度即係PH值,一樣意思。

至於如何調校PH值,你可以看一看這個網站,有我的回答:

http://hk.knowledge.yahoo.com/question/question?qid=7009082400073

2009-08-26 15:00:00 補充：
你要記得係開缸同埋換水後,加一d水質調節制,用來分解水入面的重金屬同埋其他雜質,可以keep住魚魚健康。

2009-08-26 15:03:18 補充：
我之前打錯左,千祈唔好洗沙,如果你養菌養得好,唔洗沙,d沙都會好乾淨,因為硝化菌可以分解魚的糞便。

其實如果真係只養兩條金魚仔就好簡單, 當然要魚缸+濾水器,如放魚缸地方偏熱就要氣泵, 濾水器用掛濾就得, 不過一定要有塊白色同黑色棉做過濾, 呢塊黑色棉好重要, 叫生化棉, 用後千萬唔可洗, 因為用得愈耐就愈有效令d水保持清同魚健康, 每星期換1/3水, d水最好隔夜, 因水喉水有氯, 白棉可兩星期換一次
開缸: 如果可以的話, 先買缸及掛濾, 放滿水及開掛濾, 兩日後先放魚就最穩陣, 仲有一日最多食兩餐, 每次唔好多, 因魚唔會餓死但會因水質唔好死