我想知點樣可以check到自己有無案底尼( 十分,急)

1. 好多人以為查詢有無案底, 係要攞 "無犯罪紀錄証明書" (俗稱 "良民証"). 其實良民証只係在申請外國入境簽証時先會發出, 而且係直接由警方交俾外國簽証機關, 並唔會交俾申請人, 更加唔會在非簽証有關情況下 (例如僱員入職)發出.
要查有無犯罪紀錄, 你可根據<個人資料(私隱)條例>第18(1)(a)及(b)條向警方要求查閱警方手上有關你犯罪紀錄嘅個人資料.
你必須親身前往位於香港灣仔軍器廠街 1 號警察總部警政大樓 14 樓嘅 "刑事定罪紀錄資料辦事處" 填寫及遞交一份 "查閱刑事定罪紀錄資料要求表格", 同埋俾 $50 費用. 如果你無刑事定罪紀錄, 咁職員只會口頭話你知你無刑事紀錄. 如果你有刑事紀錄, 咁職員會發一份該刑事紀錄嘅副本俾你.
2. 唔係. 只會在有正式刑事定罪紀錄情況下, 你先會攞唔到良民証. 如果你只係因犯罪而被警司警戒, 判自簽擔保守行為, 被青少年法庭判有罪但不留案底, 或犯咗某 d 簡易治罪條例嘅罪行 (例如亂拋垃圾或違例泊車等), 你都重可以攞到良民證.
3. 要睇情況. 如果你犯嘅罪係輕微嘅, 例如遊蕩、不小心駕駛、飲醉酒打人 (普通襲擊)、或小額盜竊 (例如 7仔偷朱古力), 而又係好耐之前, 咁你有機會拎到澳洲工作証. 但如果係嚴重或涉及任何毒品嘅罪行, 就好難拎到澳洲工作証.
你無講犯過乜事, 我只可講咁多.

旅遊業議會批考外遊領隊牌, 是否會查投考人有否刑事紀錄