香港有咩地方係有野行或者有野玩嫁.急!!!20點

有咩行??行山??定??行山通常都冇野玩架BO,頂多去爬石仔咋BO
如果只要玩,最招牌既答案就一定係ocean park,當然,我唔會提議你去,玩得多好悶的
咁我而家就提供D路線比你,既可以睇景,又可以放風爭咁
麥里浩徑第四段
搭299(沙田港鐵站開出),99(烏溪沙港鐵站開出)至水浪窩站下車,過馬路沿馬路登山,不久便接回山路,沿途都有唔少靚景,其中馬鞍山昂平更是一大草原,假日時甚至能見到有人玩降落傘
或可選擇經吊手岩登山,由耀安巴士站乘84R村巴(白色果隻)至,9點半有車,班次數小時一班.
沿吊手岩上山後,會接回馬鞍坳,一直直行便至昂平.(不過山路較為崎嶇,畏高者勿走)
離開可選擇沿扎山道下山,再轉小巴至坪石,步行數分鐘便返回港鐵站

麥里浩徑第八段
乘82號小巴至城門水塘菠蘿霸後,轉左上樓梯,沿路一直直行,至分乂路行左邊,一直直行至鉛礦坳,即有涼亭公廁的地方,該處環境清幽,大家可選擇在該處準備行裝或大休,準備一段時間後,在公廁那邊的大路一直上(多樓梯,不過好快行完),便變得開揚,景色什為吸引,好天時更能望到機場
繼續上行,便至四方石林,大家可以係呢度玩玩石,影下相咁,玩完就繼續出發,至M145涼亭,之後就係全香港最斜既馬路-大帽山林務馬路(即係舊軍車路),之後全段都係馬路黎.期間會經過一閘口,該處己經為全香港最高非禁區既地方,大家可以去果度留一留影.過後,便是九曲十三灣,最後終點為扶輪公園,可乘51號巴士返回荃灣如心廣場/大河道

東大古道
呢條路線主要係去搵野食,因為景就唔多,而佢係一條石屎路.途中能夠遇到既景就有百年樟樹,你可以去到沙螺灣村後,入村(一入村會見到有遊樂場,根據此來確認位置),一直向北行,不久便會見到好靚既樓梯,上到頂就係呢棵樟樹,之後沿路落山.至深屈,該處有三家士多,你可以係果度作出補給,而我覺得果度既綠豆沙都唔錯,但豆漿就甜得D,仲有自己種既生菜,雖然係$20,唔係幾抵,但你都可以試試鄉間種既野食係點既滋味吧.過後,便開始要登山,但都只係爬升100米都唔夠,上到頂,你可以留意下有冇白沙啄既蹤跡,而遠望,天氣好既你就會見到澳門,天氣唔好既,就見到無際既大海,什為舒服.行行下左邊便會見到有個樓梯口,沿路直上,便會見到1902年建立既嶼北界崥,及後行返大路落返岩岩條路,返回大澳.

玩水:
黃龍瀑/潭
向逸東方向出發,上天橋,分乂口轉左,落東涌道後轉右,至車速限制牌轉左,即黃龍坑道(冇路牌),不久便見一村,是為赤立角新村,內有士多,向水閘方向行,後段冇村的,但人影就幾多,因為好多人都去果邊囉水,沿路一直直行,至盡頭入澗,再愈澗一直行,至一雄瀑止.
當見到條澗行唔到既時候,一係落水,一係繞山路,而爬就必要的.
之後原路走

~完~唔知合唔合你心水呢?~

濕地公園可唔可以ar?唔錯的