汽車著車和冷氣問題

你共有2個問題:
1)撻車時有兩次唔多順, 要再撻先可以著車. 究竟咩原因??
答:撻唔到車,你要了解撻車運作 : 撻匙->電池比電->帶動皮帶->皮帶帶引擎火咀及點火->引擎運行.
你話個情況可能係電池唔係夠力(但仲有電,尚可撻車)/皮帶運行唔好(一次撻唔到車,要做多次)/火咀有問題機會少D,因火咀唔係幾個一同出事都可以撻車.

意見係比車房睇 OR 你CHECK下你個電池用左幾耐/皮帶有冇鬆先LA,如果你識既話.

2)今日天氣好熱有太陽下泊街邊位約兩小時.
走時發覺冷氣唔夠凍. 到達目的地時都未覺凍(約15分鐘車程)?

答:日日下午都31/32/33度,你估你架車入面比太陽曬2個幾小時(左泊街邊位),你架車有幾熱呀,我估有37~40度LA,你比得果15分鐘佢行車,冷氣開到最大呀,可以冷返幾多,我自己都係用豐田1,500CC車仔,你唔行返30分鐘係有蓋既地方到幾難冷返呀.冷返意思係24~26度呀,唔係18度呀.

你個冷凍唔係有問題,唔好信人答你係唔係都加雪種呀,因雪種係唔會走左去架,你雪種管一日唔漏,壓力不變,雪種重量也不變.

***雪種一漏,就會慢慢無哂,唔好去加雪種LA,我架車用左10年半年前先換左會個豐田車冷氣,都係HKD$1,500,如果唔成組換,只加雪種,一樣會漏,唔通幾個月加一次咩.......

如冇電磁, 會直頭撻唔著車的. 故多數係火咀問題. 換左就 ok. 通常日本車係 4支. 一般幾十蚊一支姐. 即整即走好快. 間間車房都有得換 ka lak. 你幾耐冇換過? 如超過晒一年應該要換 ka la. 另外, 冷氣....可以加番雪種啦. 一般收 $200 咁上下. 又係即加即走.... 15分鐘到攪店 ka lak.