馬會見工很多問題...

1)我想問當天去到要唔要超多人排隊等成3個字以上, 然後好多記者影相???
唔會，就算要等都好，等你可以平復心情，比自己一個冷靜的機會，比自己諗下面試時要做d咩。
點解會有記者？一個好普通的面試，唔明點解會有記者。
2)如果著牛仔裙和襯衫和帆布鞋可以嗎?(如入職後返工可唔可以著 成咁, 同埋可否著牛仔裙返工和面試?) 我沒有西裝裙那些的. 因我學歷都襯唔起那些衣著..
儘量唔好著牛仔裙 / 褲，亦唔一定要西裝裙，只要端莊就可以，你可以普一條淨色的裙亦可以，但唔可以太短，因為你是去見工，唔係去街。
呢個是見工禮儀，即使是見地盤工，都要著得端莊。
3)如果接受上堂, 一般要上幾多堂X幾多小時? 大多於什麼時間的?
上堂時間是沒有定的，有關時間會於你面試成功後即時比你，時間方面多數都是5時半至6時半開始至八時或九時完結，一般上3-4堂。
4)上學所學的有沒有資料紙或自抄筆記可以帶回家溫習?(因為我真的乜都唔識, 同埋我記性好差, 如只能上堂記憶, 我怕會聽唔明, 但我真係好想pass.)
足球、賽馬及六合彩都要學。
你會學：
- 你個位的器材名稱、使用方法
- 如果幫客人開啟戶口、下注、「覆飛」
- 一般應對、聆聽技巧、須知
- 特發事情應變技巧、處理方法等。
放心，每個學員都會有本筆記，入面有齊你要學的東西，當然你亦要於筆記內 drop note。
5)考試形式是怎樣的? 會唔會上完全部堂後即考? 是做MC題還是回答寫字??? 除左做卷還有沒有現場模疑test對答之類.
最後一堂會有考試，主要是考你聆聽、手眼協調、速度等，會有三個test，每個test要有九成正確方為合格，而且你需要全部test合格先會獲聘用。
如果你有test唔合格，你仍有一次機會去re-test，但如果你re-test都唔合格就幫你唔到。
考試內容是對住部電腦，有MC，有處境題，比幾段錄音你，你要即時落飛，只可以聽一次，同中學Listening差不多。
6)在工作上, 會唔會容易比同事(上司)鬧, 例如你做錯野或講得唔好, 管理個位就捉你去訓話.. 呢份工會唔會成日比人鬧架(唔計客鬧), 同埋假若聽到某些電話自己攪唔掂, 有無得求救?? 因為得自己一個聽, 點搵人幫我??? 或者對方第一句: hello, I want to .XXXXX.....please help me to .....????我點求救??
你的上司只有一個，就是客人，你可能會遇到一d好有禮貌的客人，「唔該前、唔該後」，亦有一d橫不講理的客人，一打黎就「問候你全家」，你唔可以鬧d客，你要等個客自己收線。
如果你真是遇到有問題你解決唔到，你就唔好等，即刻舉手「招喚」組長，再講下是咩情況，組長就會指示你下一步行動。
至於你所講的情況，好少會發生，因為馬會投注熱線是分開粵語、普通話及英文，每種語言有唔同的電話投注號碼，好少機會你做粵語會聽到普通話及英文的投注（如果是個客專登玩野作別論），但如果真係有呢個情況，你可以同個客講「Please wait a minute」或者「請等等」（普通話），再叫組長。
但你可能會遇到以下情況：（本人經歷）
本人上堂時，是學足球及六合彩，沒有學賽馬，但有一日，因為賽馬那邊太多call，分流左一d去足球那邊，我收到一個買馬的call，我就叫個客等一等，呢頭就叫組長。
7)佢面試會有咩問題, 會唔會叫你自我介紹或問為什麼想做呢份工??
例派會問一條問題：你仲有咩問題想問？
通常會於面試最後階段問，你就要認真諗下有咩問，例如幾時知結果、幾時有training...
但千祈唔好問：如果有事，可唔可以早走、調時間、遲d返、早d走...因為對方聽到，會寧願唔請你（你要記住，你後面仲有幾千人排隊in你個位）。

我公司是推廣健康新文化

目標是將健康這個使命推廣出去~

近日公司擴充業務,需要大量熱心認真的推廣員~

兼職一星期二,三晚有二,三千元

另外full time可賺取更高收入

如果你認為健康業有發展空間

我誠意邀請你來了解

請登入這個網址,會有專人連絡.

http://www.lossweight-now.com/join.html