賣家於拍賣後反口拒絕交易, 買家可以點做? [20點]

請問我有冇方法逼使賣家履行交易? 例如用d咩法律途徑?


你可以有以下方法：


1.評分：你可以先以中性評分，並留意要求交收，如果賣方拒絕，你可以比劣評，但你亦有可能要接受對方比你的一個劣評。


2.投訴：其實有關賣家已經違反Yahoo!拍賣場刊登守則 - 另設開售價，你可以直接向Yahoo!舉報及投訴有關賣家。


其實你絕對可以投訴，因為Yahoo!已經設定好多方法保障賣家，包括：刊登拍賣流程教學、取消買家叫價、設定底價等，賣家有好多時間去「補救」這個錯誤，但賣家沒有做，並「任意」讓有關拍賣以$1售出，最後拒絕交收。


不過，可以話你知，有關物品的最終出售權仍然於賣家方面，如果賣方最終拒絕交收，佢收到的「懲罰」可能只是損失刊登費、得到一個劣評和被Yahoo!扣少少分。


如果你唔甘心，你可以將對方的Yahoo! ID上載到香港各個討論區，通知各網友唔好幫佢買野，實行「唱衰」佢。

(1) 給賣家劣評
(2) 向Yahoo! 拍賣投訴
.............................. 冇其他方法逼使賣家履行交易！！

如果買家拒絕交易，唔出現，唔啤錢，賣家亦冇符。
.............................. 這就是Yahoo! 拍賣！！？