家庭問題;點解父母可以咁樣既

本人家庭之前都算係一個小康之家;
起碼食得飽,訓得暖;舒舒服服;
都仲可以學自己想學既野;買自己鐘意既野


今年年中左右啦,丫爸開始成日都番大陸;
估都估到佢上去做咩啦<<<他是一個不擅長說謊的人
佢之前都係"成日"番,8月頭佢差唔多半個月都係上面囉,
工又唔番,佢係屋企唯一的經濟支柱.而家都唔知佢究竟想點


到丫媽啦,丫媽又好唔生性;
成日淨係識得係屋企打機;係打到飯都唔煮果一種囉..
而家一日三餐都係食緊飯盒囉唔該;又唔知佢想點


咩唔係人人都有自己既本份要做好架咩?
我係一個學生;讀書當然就係本份;
雖然唔係好勤力果種人;但自問都有落到心機
點解屋企人可以咁?咁冇責任心咁不如就唔好生我出泥啦,


而家屋企得番好少錢;丫爸又係咁;丫媽又係咁;
我仲要讀書架囉-_-而家我又未夠秤做野;咁可以點?


d親戚又唔係人泥既;本來話夾錢比老人家請工人;
我地咁既環境,丫媽就提出比少一半;
佢竟然話唔得-o-
而家又冇話唔比;你估個個都咁有錢架...
咁大個人都唔用腦諗下;情況冇問題都唔會咁講啦;
呢d就係親戚啦!


我都唔想埋怨哂我身邊所有人;
但係而家真係迫狗入窮巷;有時真係想死左佢算~_~
有咩事都淨係識推我出去;
又叫我幫佢打機-.-真係汗顏囉
叫我跟親戚番鄉下探親,自己多多藉口話唔番;
一句講哂,掛住打機囉^_^
仲叫我唔好同其他人講tim~
呢d就係叫做父母啦x)