你地覺得d學生除左讀書之外,仲有d咩野做?

我本人既問題:
你地覺得d學生除左讀書之外,仲有d咩野做?
點解d人成日認為學生唔讀書,就冇野做,成日係屋企生虫?
我所指係未成年既後生仔,還不可以出來做野果d人!

我本人既困境:
我e家升f.4,我成日見到d同學話自己係呢個暑假好鬼得閒,日日冇野做係屋企生虫.
或者有d同學就話呢個暑假用到我都唔夠用,就係我呢種人,唔係忙打機,而係提升自己,有更好既生活.
而我就覺得返學好辛苦,但係d同學為了唔辛苦,就同d同學玩,上堂攪下gag訓夠,唔理老師話.
因為我知道我如果學佢地咁做,做d唔實際既野,雖然係happy,好輕鬆,但我係唔會做.因為我份人唔鍾意做咪d無聊野,對將來沒有用既事.

我不明白點解,有d人覺得讀書好有用,但係我卻認為讀書冇咩用,只係為左升大學拿一份社會既入場券(大學証書),將來可以有更好既生活質數.

我本人讀緊band2英中,我自己本身就唔係好鍾意返學,因為返到去學校,總是覺得老師教書教得好慢,叫佢教快d,就話要就住d學習比較慢既學生.
有時返到去見住老師話我d同學,攪到我好無奈,仲以為左入小學,唉!
令我覺得返到去係曬左d時間,個進度唔係好合我,做其他野又唔係好方便,真係煩.唔讀又唔得.
想返屋企到自修,又唔會迫到自己咁盡,日日係屋企到,有時可以出去找找資料,得閒就找d朋友識人,
令進度合我,可以唔就阻之下發揮到100%進行,雖然提升自己係好快,想唔讀一年,係一年既假期里提升自己,
之後以跳級既方式入大學,可是我dad同mom又太著緊我
既學業,唔俾我咁做,佢話停左之後再找返又唔知學校收唔收我呢d學生.本人既限制實在太大了.點做好呀!

想講我係呢個咁短既暑假,果種得著係永遠超過係學校所得著.你地講點樣先可以係學校可以有得著,唔想再係咁,有限制,好辛苦!