MEGGYLI vs MAE VON 邊間好呀??

我剛路過 答左一次, 又順便答埋你啦~

我係o係MEGGYLI.COM 度讀緊既學生, 首先我覺得佢個價錢好合理, 而且我都覺得教得幾好! 我之前報讀個時都係好似你咁諗, 雖然佢細間D ,但個價錢好合理, 而且我未報之前上過佢個試讀堂, 個時我試過問佢地D學生, 佢地話真係好多outjob , 所以我咪試下報囉, 後來我讀個時去到第 6堂已經真係有得出去outjob 化雜誌的外國model 喇! 我覺得揀邊一間化妝學校讀, 我一定會揀左多outjob和價錢合理的條件先囉~希望幫到你!

每間學校都會有佢 selling point
但如果佢個 selling 係價錢平
你反而要認真考慮
因為學費絕對唔係揀化妝學校既首要條件

之前都答過關於化妝學校既問題
不妨參考下, 睇下幫唔幫到你啦

**************************
其實唔同既化妝學校都會有唔同既意見

至於會唔會迫人買野
你可以睇下佢學費包左 d 咩
如果係唔包材料, 你就要有心理準備會 sell 你
有 d 甚至係暗示唔同佢地買就唔合格之類
咁當然你報名果陣唔會咁講啦
如果佢已經包晒要用既材料
咁上堂果陣都無咩好 sell 喇
仲要留意埋包材料既意思係包你上堂用一套大家 share
定獨立一套俾你番屋企呢

基本上所有學校都唔會淨理論
但或多或少都會有, 因為有 d 係理論課
另外除左上堂之後, 課餘時間會唔會有地方俾學生練妝呢
練妝又會唔會有導師可以問呢
呢樣好重要, 上堂固然要實習啦
但化妝係一門技巧性既技能
一定要多練習先得, 學左唔練等於無學過咁濟
如果學校有地方可以提供到地方俾學生練妝就最好啦
但有 d 係會收番好貴既租金, 甚至 100 蚊個鐘
呢 d 計埋計埋都唔少架

至於年齡相信問題不大
而家都愈來愈年輕化
就好似我公司咁, 有個學生 14 已經考到國際認可資格
有 d 學生就 over 40 考到都有
相信呢個唔會係你既問題啦

學生人數都係好關鍵架
就好似政府開辨果類化妝課程
一個導師就 30 人, 每堂算佢 3 個鐘
仲要計埋導師示範
每人平均得幾分鐘執妝
學唔學到野就真係唔知道啦
所以小班教學係好重要
最好係 8 - 10 個人啦
如果有埋助教就更加好
因為有 d 小問題, 助教到幫到手
咁導師就真係可以教得更加好

但要知道小班唔係學校收生唔夠果種小班喎
另外亦要留意明星導師係咪堂堂都出現教晒你呢
定係一早已經講明佢會教幾多堂之類
試過某 d 學校俾學生投訴到明星導師成日唔在場
又遲到又早走, 其他只係 d 師姐睇住練下妝咁
坦白講, 如果個導師本身都好忙, 好多 job
又會抽到幾多時間教班呢
係真係學到野定明星效應呢, 不妨多加留意

至於價錢就太多客觀因素影響
正如我之前講果幾點已經會影響到
例如少班教學, 成本自己會高左
包埋材料亦一樣
所以計學費就唔好單單睇課程
要計晒 total cost, 例如材料, 化妝掃, 化妝箱, acceossories 等等
唔可以單單憑課程學費去評論

除左以上之外, 仲要留意埋前景出路
最好可以報考國際資格
因為呢様會比較有保障
學校自己簽既証書未必個個認同
有機會去其他國家, 人地唔識你間學校又係麻煩
況且間學校又會唔會永遠都多人識, 多人俾面呢
點都係考番個國際資格穩陣 d

另外如果學校幫學生搵好多實習機會
例如演唱會, 舞台劇, 平面廣告等等
定時舉辦唔同類型化妝 show
等學生可以有多 d 舞台經驗就更加好

而家香港化妝師主要工作好多都係新娘化妝
如果學校會定時落婚紗展, 吸納多 d 婚紗客人
仲會帶埋學生一齊去, 呢方面經驗真係好難得架
因為到你離開學校之後, 就未必有新娘妝俾你去跟呀

*********************************************
有咩問題可以 email / msn 我
[email protected]

．．．．．．．．．．．．．．

以下是一些以往的解答..
可作參考：


其實不同化妝學校都會有唔同的意見
最重要前提是:
要了解自己..
係想做化妝師定要做化妝師?
好重要的..想做化妝師的人太多了..
要做化妝師的人相對較小..
80%的人(女孩較多..男孩都有的)都想做化妝師..
20%的人要做化妝師..
很奇怪會發現..
20%要做的人通常都會如願..
因為他們都是要..而不是只得想..
人最害怕並不是沒有夢想..
而是看見自己的夢想俾其他人拎走..
y要做化妝師?想做邊一類型化妝師都要清晰,,
以下是自己@朋友經驗搜集所累積..
有些更是親身經歷..

一.政府或一些機構開設的學校都是普及化的學院..
可能要副修埋中英數等..理論較多..實踐及練習較少..
就讀化妝而言未必及得上專業的化妝美容學校
因為市面上的化妝美容學校都較全面..
教學生關於化妝..美容..上的業內知識..
專業的行內及考試技術..
更有完善地方供學生使用練習,
配套上更多更配合化妝..美容學生..
對比下更全面..更完善..
係實習機會也會更多..更配合市場..
學生透過這些機會可更增加自己的經驗..
學習時間更不會太長..拖延學生時間..
可保證學生學習到技術外..
更加多機會去實踐及應用..


二.選學校更要留意前景@出路
可報考國際資格(暫時世界性認可最高便是itec試..)
更要睇是證書還是文憑..?
2者差別甚大..前者是任何一間學院都可發出..
後者是由國際認可機構發出..
以itec的lv3第三級別為例..更等於英國中7學歷..
更可升讀大學..
學生的實習機會而言..
會否有一些舞台劇..演唱會..化妝表演..比賽等等
學生可以有更多舞台及實踐經驗
使自己的相集更多元化..更豐富..

三.學費上是否已包括產品??
有些會講包基本產品..要問清楚基本產品是甚麼??
產品而言佔了學費有多少錢?
如果係唔包材料, 就要有心理準備..
上課後需要再付出昂貴金錢再購買..
要留意埋是否可以拎走的..
有些會說是包堂上用..
到你自己出job最後都要再購買..*


四.要留意一些標榜明星化妝的院校..
因為如是星級化妝導師教授..
導師並不會經常上堂教授的..
多要應付外面的工作..
曾經聽朋友講過明星導師會成日離場
遲到早退等..最後都係由另一些人教授..
坦白講明星化妝師又有幾多人真可做到?
自問個人會否可能做到?
明星升..你便會升..
明星沉..那又怎辦?
如果明星化妝真的收入很好的話..
為何會出黎開學校呢?
何況依家的明星大多不會搵死一個化妝師..
多是借助明星效應..



以上都係要留意的細節..*
同埋最後一樣其實去到邊都好..
自己的個人努力是最重要的..
不要被周遭影響..
不要計較付出時間努力..
選擇到好的學校..
自然可更幫助自己係里行發展..



我的msn@facebook:
[email protected]
如有任何問題都可留言給我..^^