剷牆後, 想知批灰步驟及材料

你應找出滲水的原因或滲水的源頭, 然後才尋找治理方法. 祗封閉表面, 是治標不治本. 水是那裡走來? 牆內喉管滲水? 樓上滲水? 首先處理好滲水地方, 然後再處理牆身.
找防水工程公司維修, 就一定很貴, 找一般裝修維修, 他們就未必識維修, 其實有一個很簡單的方法可以自己維修的.



外牆滲水維修方法如下 :
首先用玻璃膠填補較大的裂縫, 全乾後再用白英泥加入淸水攪拌至漿糊狀, 用膠灰匙掃在磁磚的空隙上, 約半小時用乾布抺乾淨, 之後用玻璃膠加天拿水攪拌至漿糊狀用曲掃油在磁磚上兩次, 最少可保用10年以上, 但油後不可做任何工程如鑽孔等. 這是防水工程公司教我的一個簡單方法, 原因很簡單, 玻璃膠各人都知道是防水的最好用品, 加天拿水是將玻璃膠容至漿糊狀, 再掃在牆上, 這就有防水功效, 本人亦試過很多次都有效. 比例大約是1:1加多與少天拿水的関係是你掃的時候比較容易或難, 其實掃二次是保障你有掃漏的地方.
注意 : 氣味很嗅,一定要開門窗通風.普通透明玻璃膠就ok.
內牆維修方法如下 :
1. 鏟除黃色水漬的灰
2. 油膠玉磁漆或光油一次
3. 批灰2次
4. 打磨平滑及清理乾淨
5. 油一次膠玉磁漆
6. 油上面油



無論你是自己做或是比裝修師父做都好, 你都要知道正確的步驟及如何選擇漆油, 避免有人偷工減料等情況出現.
工序如下 :
1. 剷底
2. 油防潮底漆
3. 批灰
4. 打磨平滑及淸理乾淨
5. 油啞白底漆一次
6. 油上面油便可
防潮底漆 :
司拿分為水性及油性兩類, 以油司拿較佳.
水司拿是用水稀釋.
油司拿是用松節水稀釋.
光油是用松節水稀釋,一般裝修工程都是用光油的, 因用途比司拿多.
灰料比例如下 :
菜膠35%, 福粉55%, 石膏粉5%, 光油或白膠漿5%.

搓灰程序 :
1. 先將菜膠加入光油或白膠漿攪合
2. 加入8成福粉攪合
3. 再加入2成福粉及石膏粉攪好後才加進一起攪合

注意 :
石膏粉是增加硬度.
光油或白膠漿是增加附著力.
新建造的牆是用光油, 舊牆是用白膠漿, 因附著力較好.
你亦可以到五金鋪買石膏灰或平底漿或牆之寶等, 已經溝好晒, 即開即用, 非常方便, 不過份量就有多有少, 視乎需要而定.
啞白底漆 :
啞白底漆比例:70%啞白底漆加入30%白色膠玉磁漆, 1份啞白底漆加入30%松節水攪和便可, 此比例的啞白底漆是目前最好的, 亦有防潮作用, 非常合你的須要.
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.

如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充.

其實呢D咁既情況系最常見既問題,只要你在知識+入面瀏覽一下＜裝修設計＞--油漆一項.就可以找到你想要既資料.
補充一下,而家專業油漆師傅最簡單既方法就系:
1.鏟底．
將崧既灰鏟晒佢
2.油底漆
油一層水施拿,即防潮底漆.(7成水施拿,3成水既比例)
最好唔好油剛油,即凡立水.因爲咁少既野,比較麻煩.而且油剛油系要隔一日先至可以批灰既
3.批灰
等底油干咗之後,（約30--60分鐘,）用菜膠加石膏開灰先批一次,待石膏灰硬咗之後，(約30分鐘),再用菜膠開石膏灰批一次,(又過30分鐘,)再用菜膠加福粉開灰批一次面灰就得喇.之後就要等佢干啦.批石膏灰既工序可以一氣呵成，唔需要等佢干，批福粉灰就一定要干咗先批得第二次．
４．打磨
干透之後，用１２０＃－１５０＃紅沙紙輕輕打磨，
沙紙要一開二介咗佢，半張再摺成三摺來用
５．油漆
如果你只想油翻補過灰既地方，咁就買翻而家舊有個種油得喇．１０分油開１．５－２分水．


菜膠加石膏開灰系會硬得好快,15--30分鐘就會變成石頭
批石膏灰第一次系批唔滑架,目的系將凹位補平佢,批第二次既石膏灰基本上巳經平咗喇,（石膏灰干咗之後系好難磨既）
.所以第三次批既灰要用福粉灰喇.干咗可以打磨．
石膏灰既開法：
因爲石膏見水硬得快．所以唔可以一次開得多，開半斤或更小，先嘗試一下．
比例：１斤菜膠加入１／４磅既白膠槳，１．５斤既石膏．
福粉灰亦一樣．
注意買石膏一定要去油漆舗買，因爲開咗包既石膏唔可以擺太耐．唔系佢既硬化程度會變長．