倉鼠打交問題牙=]

A.出現打交既情況,一定要分籠,唔好再放埋一齊,唔係到打得更傷甚至打死先唻處理就太遲了,放埋一齊實在十分危險倉鼠打交係因為佢地本身就係獨居動物,根本唔適合同其他鼠一齊住既,我明白坊間同鼠店都話倉鼠係群居,但從生物學角度,鼠鼠真係獨居架,只係多數鼠細個都唔打交,所以就易令人有錯覺,又有好多人話鼠打交只係玩,甚至話係增進感情,好彩就打唔傷,但留意一下過去既知識,就見到有不少鼠打傷打死
我細個時試過一籠放兩兄弟,個籠好大,有2間屋仔,2個瞭望台,好多野都有兩樣,都一樣打到頭都甩,就算係再大既籠,同性唔同性,係咪同一胎,其實都會打既;沖完涼再放埋一齊既方法我都試過好多次,一樣打得好勁呢,唔同品種既鼠,更易更快打死
唔好試下再放佢地一齊,好彩既話,佢會俾你見住時打,咁你仲分開到佢地,但都已經會受驚受傷,但唔好彩既話,你在場時唔打,到你訓左or不在家時打,真係可以死晒都冇人知;就算只係間中放出唻一齊玩一陣,已經可以令鼠鼠受驚而生病
最好可以買多個籠唻養其中一隻,鼠鼠活動範圍太少,又冇轉輪,好易會麻痺同過肥,肥胖會誘發好多疾病,加上兩隻鼠雖然分層係打唔到,但太近都易受驚,受驚係會誘發疾病既

B.打交受傷既處理方法如下:
1)有流血既話,用藥用棉花咁住傷口,用鼠專用既外傷藥同佢搽,小心唔好整到眼耳口鼻.
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
3)冇受傷既鼠,都必須要仔細檢查一下真係有冇受傷
4)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
5)保持個籠乾爽清潔,避免細菌感染
6)鼠鼠唔舒服會更易受驚,受驚會令病情惡化,除左檢查及治療外,都唔好打擾鼠鼠
7)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757

C.其實鼠鼠最好分籠,希望你可以考慮一籠一鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
3) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
4)就算唔打傷打死,都會感到壓力,壓力會誘發甩毛肚瀉等疾病
5)一籠唔止一鼠,仲會較惡,特別易咬人同比較難同主人熟
6)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

你E加就係要BUY番一個屋比佢地琪中一個,咁就唔會打啦~~

我都養過倉鼠,...有時倉鼠係會打下交,但佢地果D係玩下,唔會打到好激果隻..
倉鼠係獨居動物,多數都係爭地盤而打交...其次係 爭 食 物、 食 水、 爭 睡 覺 地 方、 為 異 性 相 爭,你試下放多D瓜子,水...睇下佢地係唔係爭食物而打架,如果係爭地盤就麻煩D..多數都係要分開籠養,而唔係一個籠分做幾層.分過一1段時間後,再試下放係同一個寵留意下.睇下仲打唔打.得閒多D拎佢地出黎玩下,相處下.

仲 放番佢地係一齊?? 佢地都唔同品種 一定打架啦