✔ 最佳答案
唔同意樓上網友angelababyqq520講既部份內容,希望網友唔好介意及可留意一下:
一個球咁放隻鼠入去行既玩具,係屬於危險玩具,因為通風做得比較差,而且鼠鼠被困入面,會令鼠鼠感到壓力,想像下你被困一個咁既物品入面,行極都出唔到去有咩感覺?所以呢款玩具唔係幾適合鼠鼠玩既
其實用個波咁困住鼠鼠,對鼠鼠唻講,真係=出左籠嗎?困在比籠細好多既地方,得少少孔去通風,但又要跑,實在好辛苦,天氣焗熱,唔洗郁有時我都會覺得透氣好辛苦,鼠鼠放入去,就係焗住都仲要跑,就算冬天都一樣覺得辛苦呢
壓力就咁睇可能會好抽象,未必咁易睇得出,但對鼠鼠唻講,壓力係有機會誘發甩毛肚瀉,甚至濕尾症等疾病(因生理代謝同心跳快),所以一定要盡力令鼠鼠少d壓力
A.鼠鼠唔玩轉轉,要留意以下事情:
1)轉輪會唔會係球體既呢?球體既玩具同轉輪都係危險玩具,如之前講既咁
2)轉輪都唔可以係有隙,一間間咁就易卡住鼠鼠既腳
3)檢查轉輪會唔會係好難轉
4)用既墊材會唔會係粒狀?粒狀墊材會令鼠鼠唔舒服,因而少了活動
5)鼠鼠較涼同熱都會少左活動,加上鼠鼠夜晚活動,有時玩左未必覺眼
6)可以在你訓之前放d食物,木糠之類去轉輪同籠既四周,起身就可以觀察一下有冇郁動過,最少知道半夜鼠鼠會唔會唔係點活動
6)可以試下用望遠鏡觀察,睇下鼠鼠會唔會係你行近佢先咁靜
7)仔細檢查鼠鼠身體及排泄物,一有異常盡快處理,怕佢唔舒服先唔多郁
8)如果仲未同鼠鼠熟or有野令鼠鼠受驚,鼠鼠都會較少活動,呢個情況就要俾鼠鼠靜下,除檢查外,就唔好攪佢住,唔好嚇親鼠鼠
9)如果同鼠鼠已經熟,可伸手入籠用食物引鼠鼠去轉輪,等鼠鼠上去睇下會唔會玩
B.除左鼠糧同草or草磚外,有冇俾第d野俾鼠鼠食?
買鼠唔係好耐,要留意鼠鼠未必真係過肥,鼠鼠到60日大左右就會進入完全成熟期,身體會明顯地大隻左,買鼠時一般鼠鼠都只係戒奶冇耐,廿多日大,所以買鼠後1-2個月時,多數就會見到大隻左好多,咁既話就係正常既長大
一般唻講,一籠一鼠加上適當既飲食,同足夠既活動空間,鼠鼠就唔會過肥,鼠鼠肥多數都係有俾零食俾鼠鼠,如果佢真係過肥,可以只係俾主糧同草佢食,所有零食都唔俾
同時買d玩具放入籠俾鼠鼠多d活動,等鼠鼠郁動多d都冇咁易過肥,最好過一段時間就轉一d玩具,咁鼠鼠都會玩多d,同一樣放得耐左鼠鼠就唔會點玩,玩具最好買一d木製,可以俾鼠鼠爬唻爬去,順便磨爪磨牙
如果你同鼠鼠已經熟左,又掌握到鼠鼠,在鼠鼠身體正常時,可以放鼠鼠出唻活動一下,但就唔好太耐,鼠鼠在籠既時候,你會發現鼠鼠並唔會不斷玩好耐,多數會玩一陣就訓下咁,放出唻太耐會令鼠鼠辛苦既
放鼠出籠要留意既事及方法可參考:
http://hk.knowledge.yahoo.com/question?qid=7008031400344
如果一買鼠返唻就控制飲食,加上籠唔太細有轉輪,鼠鼠根本就唔需要減肥既,我一星期只放鼠出籠幾個字(不足半小時),用既籠都幾大,但冇俾零食俾鼠鼠之後,我所有鼠都未試過有肥胖既問題
千萬唔好減少鼠鼠既食物去控制食量唻減肥,亦唔好強迫鼠鼠活動太多
控制食量易令鼠鼠血糖過低,鼠鼠身體細小,冇咩脂肪俾鼠鼠去消耗,就算好肥既鼠,始終都算細隻,所以唔好減少食物去迫鼠鼠減肥,血糖過低係需要睇醫生先處理到;加上咁會令鼠鼠冇安全感,易咬人
而迫鼠鼠出唻玩太耐,會令鼠鼠覺得好累,加上天熱,放鼠太耐易令鼠鼠中暑
2009-08-19 21:50:19 補充：
足夠既活動空間係指有位放晒所有用品,之後放埋玩具都仲有一個唔窄既通道俾鼠鼠行唻行去
好難話幾大就足夠,要睇返你既籠放既野
睇鼠鼠係咪過肥可以抱鼠鼠時睇同感受一下,過肥就會見到鼠鼠既肉會有下垂
另外搭訕一下,"可收埋ge圍柵"我諗係指一個圍欄,放鼠出唻時圍住鼠鼠,等鼠鼠唔會走到出去,唔係太常見到有得買,之前見過好似百幾定二百幾,我就覺得比較貴,自己整d野圍住又可以靈活d變動,而且如果入面放有玩具,鼠鼠有機會爬高既話,係有機會爬到出唻,其實都要睇實鼠鼠先得既
而"球ge野"應該係指波波球,一個好似波咁既野,但係係空心既,可放鼠鼠入去,多數鼠鼠入到去被困住就會不斷跑,只係靠d細孔唻通風
2009-08-19 21:51:44 補充：
又補充唔到用呢度補充一下:
足夠既活動空間係指有位放晒所有用品,之後放埋玩具都仲有一個唔窄既通道俾鼠鼠行唻行去;好難話幾大就足夠,要睇返你既籠放既野
睇鼠鼠係咪過肥可以抱鼠鼠時睇同感受一下,過肥就會見到鼠鼠既肉會有下垂
2009-08-19 21:51:52 補充：
搭訕一下,"可收埋ge圍柵"我諗係指一個圍欄,放鼠出唻時圍住鼠鼠,等鼠鼠唔會走到出去,唔係太常見到有得買,之前見過好似百幾定二百幾,我就覺得比較貴,自己整d野圍住又可以靈活d變動,而且如果入面放有玩具,鼠鼠有機會爬高既話,係有機會爬到出唻,其實都要睇實鼠鼠先得既
而"球ge野"應該係指波波球,一個好似波咁既野,但係係空心既,可放鼠鼠入去,多數鼠鼠入到去被困住就會不斷跑,只係靠d細孔唻通風
2009-08-19 22:05:34 補充：
另外,感謝你在另一鼠問題既誇獎(
http://hk.knowledge.yahoo.com/question/question?qid=7009081900185)
其實好多時回答都想由頭打過,只係有時唔夠細心,時間又唔夠,copy返過去回答過既資料會好d,反而冇咁易講漏野,而且就算copy自己,都會再三思考及針對問題先copy返以前打既字,亦會時常更新自己既"標準答案"
睇到有補充其實係令我開心既事,會睇到鼠主對鼠鼠既關愛,而且每隻鼠每個情況未必一樣,補充就可以彌補返呢點
回答問題係我既興趣,雖然花既時間真係好多,但幫到人地既鼠的確十分開心
