我好抵死…犯賤…

我地係網度識，佢細我差唔多4年
我一早就知我唔會鐘意細過自己既人
我亦都同佢講左我唔會鐘意細個自己既人
我亦都知佢仲細，話鐘意我都只係講下

我一直都話唔鐘意佢，
我話我地其實只係鐘意一齊玩

我對佢好衰同冷淡，成日發佢脾氣，佢都會(乙水)我，
無論我點激佢，佢最後都會係甘叫我，我都會揀原諒佢

我每日一上線，佢就會即刻叫我
日子耐左，我好習慣，亦會等佢叫我(好傻)

我每日發生d咩，都會同佢講下，佢就好似我既現實朋友甘
不過，對於佢，我好多野都唔肯講
因為我覺得唔想同佢熟到去生活層面
我地無可能係生活層面發展
我地根本無可以一齊，我根本無可能留到佢，我亦都唔會留佢
因為我覺得我唔係愛佢，每次我都考慮到一大堆野，就覺得不如保持現況

但係佢比我更加痛苦，佢周圍既人都話我甘對佢
佢都仲甘錫我，我內疚，我比唔到d咩佢，但就享受佢對我既關懷忍讓
我覺得自己真係好衰，衰到貼地！

我好多次都想激走佢
但熟左，時間令我覺得佢變得好重要
我好想留住佢…
我知只要我講大話 話鐘意佢，佢就會留係我身邊，但係我真係做唔到

佢同我都仲讀緊書，佢今年會考完
最後我用左一件小事做藉口，斷絕同佢既來往
我以為自己好衰，但原來佢一早已經係我背後講我
我真係好心痛，我好努力甘話俾自己知，唔緊要架，
反正你都唔鐘意佢，遲早都係無，甘不如早d失去，甘對大家都更好

我好努力開心甘過每一日，我同其他朋友既接觸多左，我以為自己好開心
但一有佢既任何舉動消息，我就好似一個填好左既洞洞，突然被人挖左一下，我既傷口又出現了

呢件事竟然對我有甘大影響，一個只係識左差唔多2年幾的網友，竟然對我有甘大影響

我知道佢有好多野都只係講下，話咩等我都只係講下，話咩我好之類全部都唔係真心
但係，點解我甘白癡同犯賤要傷心？


*****點解我要為一個無可能既人，搞到自己甘？

各位過來人或者人際高手，可唔可以教下我，我應該點樣去處理自己既內心情緒問題？

我好想忘記識過佢！！！我好想自己一d唔開心都無！！
我好想自己唔在乎佢！！！