450D 測光

如果你係講改變測光模式的話.咁你可以按機背的上箭咀掣,之後就可以揀平均測光,中央偏重測光或者點測光.
至於三種測光在甚麼場合用好難講,不過最緊要明白個原理.
三種測光模式分別在於測光的範圍
平均測光係以整個畫面考慮,如果你拍攝既主體佔畫面大部份例如風景等,光暗又差唔多的就比較適合用呢種.
但相機的測光是當咗樣樣嘢都係中間光同埋18%灰色去計的,如果畫面中有啲好光,好暗,好深色,好淺色既物體就會影響咗測光既準確性.例如影半身人像背光用平均測光個人就會暗晒,咁呢個時候可以用測光範圍較小的中央偏重測光,咁個人就會光翻但背景就會過光.原理其實係唔理主體以外的範圍.
點測光就係測光範圍更細,例如影演唱會,由於鏡頭唔夠長,只可以影到好細個歌星,又成日有射燈射住,用大範圍測光好容易就會影到個歌星過光,這時較適合用點測光.
不過其實冇話影乜就要用乜測光的,有好多人就算影風景都係用點測光的,佢地會避開天空等極光位置,測一啲較中性位置來估計光圈,快門.亦都有啲人長期用平均測光就算.因為其實即使相機測出來有些小偏差,我地仲可以用曝光補償去調較翻的,尤其在數碼年代,可以影一張睇下個結果,唔啱調較曝光補償再影過就得.