急~樓字買賣 簽左臨時合約及俾左細訂賣方

如果我而家唔想買,想退訂得唔得
簽左臨時合約就要依照合約的內容去履行合約, 如果那一方沒有履行合約, 就是毀約, 就要根據合約的毀約條款去賠償對方的損失的。
使唔使賠雙倍訂金呀???
一般的簽了臨約的毀約是給殺訂就完成責任的, 但最終是要看臨約上有否特別的條款來決定的。
毀約的一方通常是要支付雙方的地產代理的佣金的,
最好你自己睇清楚張臨約去瞭解自己的責任。
因為我怕俾人騷擾呀!!!
基本上, 香港是法治的地方, 如果你購買了單位, 有人上門追數, 你只需通知收數人, 說舊業主己經搬走, 你是新業主, 你和舊業主是完全沒有關係的就可以的。
如果有人滋擾, 報警求助就可以的, 警方現在對違例收數的管制得很嚴謹,
所以, 購買物業後, 被滋擾的機會應該不高的。
有鑑於 賣方 有欠債, 有可能收了你的訂金後不能履行合約, 所以, 你應該告訴你的律師及對方, 因為他有可能不能履行合約, 所以, 大訂會交由賣方的律師保管, 待成交沒有問題才放錢, 以保障賣方收訂後不能履行合約的風險。

我朋友有同一情況, 但完成賣買, 裝埋修搬了入新屋才發現 (因不斷收到不同公司向上任業主既追數信), 還有上門滋擾。而事實上我朋友已告知所有公司佢係新業主, 與上任並無任何關係, 佢亦報了警備了案, 可惜追數公司仍日日上門, 原因好簡單, 因為追數公司都只係受聘既, 有keep 住做野就可以收取服務費, 我另一朋友也做過收數公司, 一搬會追成年幾兩年先close file。

我同意幾他人既意見, 你點都要complete 架喇, 但make sure 如果佢層樓係負資產就一定要叫佢律師stakehold住d錢直至completion, 一般雙方律師都知呢個規矩, 但如果佢層樓唔係負資產, 就算佢personal 有好多loan, 都唔可以話stakehold佢.... 所以我會見意你點都同自己個律師講聲先, 同堆睇下佢可唔可以比到你個賣家既聯絡地址 (一般係私人唔可以同client講, 但你用你自己方法引佢講你知啦) 咁將來係用黎自保既... 我唔講咁白, 你明啦... 同埋將來叫管理員睇緊d, 唔好亂放生面人上你個單位, 佢地有責任咁做, 否則你話會complain佢 咁佢地就會上心d... anyway, 祝你好運, 化險為夷啦

呢個原因唔買,業主肯退訂比你機會唔大.

如果你堅持唔買,就會被業主殺訂.另加2%佣金

SORRY,難啲,可以同佢哋(業主及經紀)平心靜氣傾吓.祝你好運.